గత 2015లో సుమత్ అశ్విన్ హీరోగా వచ్చిన కేరింత చిత్రంలో హీరోయిన్‌గా నటించిన సుకృతి ఇపుడు ఓ ఇంటికి కోడలుకానుంది. ఈ సినిమా ద్వారా ఆమెకుమంచి పేరు వచ్చింది. అయితే, ఆమెకు సరైన అవకాశాలు లేకపోవడంతో ఇండస్ట్రీలో నిలదొక్కుకోలేక పోయింది.
ఈమె త్వరలో పెళ్ళిపీటలెక్కనుంది. తాజాగా సుకృతికి అక్షయ్ సింగ్ అనే వ్యక్తితో నిశ్చితార్థఁ జరిగింది. దీనికి సంబంధించిన కొన్నిఫోటోలు ఇపుడు సోషల్ మీడియాలో చక్కర్లు కొడుతున్నాయి.
ఈ జంట ఇద్దరూ కలిసి తమ సోషల్ మీడియాలో పోస్ట్ చేశారు. త్వరలోనే వీరు వివాహం చేసుకోబోతున్నారు. పలువురు సినీ ప్రముఖులు, నెటిజన్లు శుభాకాంక్షలు తెలుపుతున్నారు. నిశితార్థం సందర్భంగా తన నాన్న గురించి కూడా ఎమోషనల్ పోస్ట్ చేసింది సుకృతి.