తిరుపతిలో వేలల్లో కాటమరాయుడు పైరసీ సీడీలు

కొత్త సినిమాలు వస్తే చాలు చాలామంది పైరసీ చేస్తూ లక్షల రూపాయలు సంపాదించేస్తున్నారు అక్రమార్కులు. గత కొన్నిరోజుల ముందు రిలీజైన కాటమరాయుడు సినిమా పైరసీ డీవిడీలు తిరుపతిలోని కొన్ని సిడీ షాపులలో విరివిగా దొరుకుతున్నాయి. కేవలం 30 రూపాయలకే డివిడిని అమ్మేస్త

కొత్త సినిమాలు వస్తే చాలు చాలామంది పైరసీ చేస్తూ లక్షల రూపాయలు సంపాదించేస్తున్నారు అక్రమార్కులు. గత కొన్నిరోజుల ముందు రిలీజైన కాటమరాయుడు సినిమా పైరసీ డీవిడీలు తిరుపతిలోని కొన్ని సిడీ షాపులలో విరివిగా దొరుకుతున్నాయి. కేవలం 30 రూపాయలకే డివిడిని అమ్మేస్తున్నారు డివిడి షాపు యజమానులు. థియేటర్లలో వచ్చే ప్రింట్ లాగా స్పష్టంగా ఫైరసీ డివిడిలు కనిపిస్తున్నాయి.

కాటమరాయుడు సినిమాను థియేటర్లలో చూసే వారికన్నా పైరసీ డివిడిల్లో చూసే వారి సంఖ్య ఎక్కువగా కనిపిస్తోంది. ఫైరసీ డివిడిలు అమ్ముతున్నారన్న విషయం పోలీసులకు తెలుసని విమర్శలున్నాయి. అయితే వారు డివిడి షాపుల యజమానుల నుంచి మామూళ్ళు వసూలు చేసుకొని తమకేం సంబంధం లేనట్లు వ్యవహరిస్తున్నారన్న ఆరోపణలు వినిపిస్తున్నాయి. 

ఇప్పటికే పవన్ అభిమాన సంఘం నేతలు కొన్ని డివిడి షాపులపై దాడులకు కూడా చేశారు. అయితే ఈ విషయాన్ని డివిడి షాపు యజమానులు బయటకు రానివ్వకుండా సైలెంట్ గానే ఈ వ్యవహారాన్ని నడిపేస్తున్నారు. కోట్ల రూపాయలు ఖర్చు పెట్టి సినిమాలు తీస్తుంటే అతి తక్కువ ఖర్చుకే పైరసీ డివిడిలు దొరుకతుండడంతో సినీ నిర్మాతలకు తీవ్ర నష్టం కలుగుతోందని సినీవిశ్లేషకులు చెబుతున్నారు.