'కాటమరాయుడు' సినిమాకు ప్రమోషన్‌ మొదలెట్టేశారు. మార్చి 24న రిలీజుకు సిద్ధమవుతోంది. ఈ లోపుగా వీలున్నప్పుడుల్లా.. పాటల రూపంలో, టీజర్‌ రూపంలో ఫ్యాన్స్‌కు విందుచేయనున్నారు. లెక్క ప్రకారం టైటిల్‌ సాంగ్‌ రిలీజ్‌, ఆడియో కార్యక్రమం నిర్వహించకుండా పాటలను ఒ
'కాటమరాయుడు' సినిమాకు ప్రమోషన్‌ మొదలెట్టేశారు. మార్చి 24న రిలీజుకు సిద్ధమవుతోంది. ఈ లోపుగా వీలున్నప్పుడుల్లా.. పాటల రూపంలో, టీజర్‌ రూపంలో ఫ్యాన్స్‌కు విందుచేయనున్నారు. లెక్క ప్రకారం టైటిల్‌ సాంగ్‌ రిలీజ్‌, ఆడియో కార్యక్రమం నిర్వహించకుండా పాటలను ఒక్కొక్కటిగా రిలీజ్‌ చేయాలని నిర్మాతలు భావించారు.
శుక్రవారం నాడు సాయంత్రం 4 గంటలకు 'మిర మిర మీసమ్‌..' అనే పాటను హైదరాబాద్‌లో విడుదల చేశారు. ఇలా పాటలను ఒక్కొక్కటిగా రిలీజ్‌ చేస్తూనే ఈనెల 14న ప్రీ-రిలీజ్‌ వేడుకను చేయనున్నారు. మరోవైపు పోస్ట్‌ప్రొడక్షన్‌లో భాగంగా పవన్‌ డబ్బింగ్‌ కూడా చెపుతున్నాడు. నేటితో అది పూర్తికానుంది.
అయితే మరో పాటకోసం 4వ తేదీన యూరప్‌ వెళ్లనుంది. పవన్‌, శృతిహాసన్‌ల‌పై పాట షూట్‌ చేయనున్నారు. వవన్‌ స్నేహితుడు శరత్‌ మరార్‌ నిర్మిస్తున్న ఈ చిత్రానికి డాలి దర్శకత్వం వహిస్తుండగా అనూప్‌ రూబెన్స్‌ సంగీతం సమకూరుస్తున్నారు. అజిత్‌ తమిళ చిత్రం 'వీరమ్‌'కు రీమేక్‌గా తెరకెక్కుతోంది.