భారతదేశంలో క్రికెట్కు ఉన్న క్రేజ్ గురించి ప్రత్యేకంగా చెప్పనక్కర్లేదు. ఈ క్రేజ్ను సంపాదించడం కోసం ఎందరో క్రికెట్ ఆటగాళ్లు కృషి చేశారు. వారిలో ముందు వరుసలో ఉండే ఆటగాడు హర్యానా హరికేన్ కపిల్దేవ్. 1983లో ప్రపంచ క్రికెట్లో ఇండియాను విశ్వవిజేతగా నిలిపిన కెప్టెన్ కపిల్ దేవ్. ఈ అసాధారణ జర్నీని `83` చిత్రంగా డైరెక్టర్ కబీర్ ఖాన్ వెండితెరపై ఆవిష్కరిస్తున్నారు.
ఎలాంటి అంచనాలు లేకుండా ఇంగ్లాండ్ వెళ్లి ప్రపంచ్కప్ను సాధించిన ఇండియన్ క్రికెట్ టీమ్ సారథి కపిల్ దేవ్ పుట్టినరోజు సోమవారం (జనవరి 6). ఈ సందర్భంగా కపిల్దేవ్కి `83` చిత్ర యూనిట్ పుట్టినరోజు శుభాకాంక్షలను తెలియజేసింది. ఈ సందర్భంగా 83 సినిమా షూటింగ్ సెట్లో కొన్ని కపిల్దేవ్, రణ్వీర్ సింగ్ కలిసి ఉన్న ఫొటోలను చిత్ర యూనిట్ విడుదల చేసింది.
ఈ ఫొటోల్లో ఓ దానిలో కపిల్ తన ఫేవరేట్ ఐకానిక్ నటరాజ్ షాట్ను ఎలా ఆడేవాడినో గుర్తు చేసుకుంటున్నాడు. అదే షాట్ను సినిమాలో రణ్వీర్ కూడా ఆడి చూపించడం విశేషం.
ఈ చిత్రంలో కపిల్దేవ్ భార్య రోమీ పాత్రలో దీపికా పదుకొనె అతిథి పాత్రలో నటిస్తున్నారు. బిగ్గెస్ట్ స్పోర్ట్స్ డ్రామాగా రూపొందుతోన్న `83` చిత్రాన్ని తెలుగు, తమిళ, హిందీ భాషల్లో ఏప్రిల్ 10న విడుదల చేస్తున్నారు.