ఆచార్య అట్టర్ ప్లాప్, అయ్యా చిరంజీవిగారు ఆదుకోండి: కన్నడ డిస్ట్రిబ్యూటర్ ఓపెన్ లెటర్

మెగాస్టార్ చిరంజీవి, రామ్ చరణ్ కాంబినేషన్లో కొరటాల శివ దర్శకత్వంలో తెరకెక్కిన ఆచార్య చిత్రం అట్టర్ ఫ్లాప్ అయ్యింది. మొత్తం రూ. 130 కోట్లకు పైగా ప్రపంచవ్యాప్తంగా బిజినెస్ జరుగగా... చిత్రం విడుదలయ్యాక వచ్చిన షేర్ కేవలం రూ. 45 కోట్లు మాత్రమే. దీనితో డిస్ట్రిబ్యూటర్లు నిండా మునిగిపోయామని లబోదిబోమంటున్నారు.

కర్నాటక రాష్ట్రానికి చెందిన రాజగోపాల్ బజాజ్ అనే డిస్ట్రిబ్యూటర్ ఏకంగా మెగాస్టార్ చిరంజీవికి ఓపెన్ లెటర్ రాసారు. వరంగల్ శీను వద్ద తను చిత్రం డిస్ట్రిబ్యూషన్ రైట్స్ కర్నాటక ప్రాంతానికి తీసుకున్నాననీ, ఐతే ఇప్పటివరకూ పెట్టిన పెట్టుబడిలో కేవలం 25 శాతం మాత్రమే వచ్చిందనీ, 75 శాతం నష్టపోయానంటూ వాపోయాడు. పూర్తి అప్పుల్లో కూరుకుపోయిన తనను ఆదుకోవాలంటూ చిరంజీవికి విజ్ఞప్తి చేసాడు.