బాహుబలి-2పై కళ్యాణ్ రామ్ ప్రశంసలు.. కీరవాణి సంగీతం మైనస్ అయ్యిందా?
బాహుబలి-2 ప్రపంచ వ్యాప్తంగా రిలీజ్ అయిన బాహుబలి గురించే ప్రస్తుతం అందరూ మాట్లాడుకుంటున్నారు. సెలెబ్రిటీలు సోషల్ మీడియాలో జక్కన్న అండ్ టీమ్‌పై ప్రశంసలతో పూలవర్షం కురిపిస్తున్నారు. తాజాగా నందమూరి హీరో,
బాహుబలి-2 ప్రపంచ వ్యాప్తంగా రిలీజ్ అయిన బాహుబలి గురించే ప్రస్తుతం అందరూ మాట్లాడుకుంటున్నారు. సెలెబ్రిటీలు సోషల్ మీడియాలో జక్కన్న అండ్ టీమ్‌పై ప్రశంసలతో పూలవర్షం కురిపిస్తున్నారు. తాజాగా నందమూరి హీరో, నిర్మాత కల్యాణ్ రామ్ బాహుబలి-2పై స్పందించారు. సినిమా అదరిపోయిందంటూ ట్వీట్ చేశారు. ఇప్పుడు తెలుసుకోవాల్సింది బాహుబలిని క‌ట్ట‌ప్ప ఎందుకు చంపాడని కాదని త‌న ట్విట్ట‌ర్ ఖాతాలో పేర్కొన్నాడు.
ఇంకా.. అసలు 'బాహుబలి-2'ని ఇంత గొప్పగా రాజమౌళి ఎలా తెరకెక్కించారో తెలుసుకోవాలని పేర్కొన్నాడు. బాహుబలి-2లో ప్రభాస్ పాత్ర అద్భుతంగా ఉంద‌ని, రానా దగ్గుబాటి నటన అదిరిందని కల్యాణ్ రామ్ వ‌రుస ట్వీట్లు చేశాడు. ఈ సినిమాలో రమ్యకృష్ణ, సత్యరాజ్, అనుష్క, నాజర్.. ఇలా అందరూ అద్భుతంగా న‌టించార‌ని కితాబిచ్చాడు. ఈ సినిమాకు ఎంఎం కీరవాణి అందించిన బ్రిలియంట్ బ్యాగ్రౌండ్ స్కోర్ సూపర్ అని ట్విట్టర్లో తెలిపారు.
అయితే బాహుబలి-2ని సంగీత దర్శకుడు కీరవాణి చెడగొట్టేశాడా అని టాక్ వస్తోంది. కీరవాణి సంగీతం సినిమా రేంజ్‌ను తగ్గించిందని సోషల్ మీడియాలో నెటిజన్లు కామెంట్లు పోస్ట్ చేస్తున్నారు. కానీ వాస్తవానికి సినిమా చూసిన సినీ విశ్లేషకులు మాత్రం బాహుబలి 2 కి కీరవాణి అందించిన బ్యాగ్రౌండ్ స్కోర్ అతి పెద్ద ప్లస్‌గా నిలిచిందని చెప్పారు. ఇంకా కీరవాణి సంగీతం మైనస్ కాదని, ఆయన పాటలు కథకు తగ్గట్టే రాశారని.. బాహుబలి2 స్థాయిని అవి ఏమాత్రం తగ్గించలేదని సినీ విశ్లేషకులు సైతం అభిప్రాయం వ్యక్తం చేస్తున్నారు.