విజయ్ సేతుపతి ''జుంగా'' ట్రైలర్.. ఇలా వుంది.. మీరే చూడండి (వీడియో)

మెగాస్టార్ ''సైరా''లో నటించే అవకాశాన్ని కైవసం చేసుకున్న కోలీవుడ్ హీరో, మక్కల్ సెల్వన్ విజయ్ సేతుపతి.. ''జుంగా'' అనే సినిమాతో తెరపైకి రానున్నాడు. ఈ సినిమా ట్రైలర్ రిలీజైంది. తమిళంలో కమల్, విక్రమ్, సూర్

మెగాస్టార్ ''సైరా''లో నటించే అవకాశాన్ని కైవసం చేసుకున్న కోలీవుడ్ హీరో, మక్కల్ సెల్వన్ విజయ్ సేతుపతి.. ''జుంగా'' అనే సినిమాతో తెరపైకి రానున్నాడు. ఈ సినిమా ట్రైలర్ రిలీజైంది. తమిళంలో కమల్, విక్రమ్, సూర్య తర్వాత విభిన్నమైన రోల్స్ పోషించే విజయ్ సేతుపతి, గోకుల్ దర్శకత్వం వహించిన జుంగాలో డాన్‌గా నటించాడు. 

ఈ సినిమా కామెడీ కలగలిపిన గ్యాంగ్‌స్టర్ యాక్షన్ మూవీ అని ట్రైలర్ చూస్తేనే అర్థం చేసుకోవచ్చు. ఈ సినిమాలో విజయ్ సేతుపతి కొత్త లుక్‌లో కనిపించాడు. తరచూ విలేజ్ బ్యాక్ డ్రాప్ సినిమాల్లో కనిపించే విజయ్ సేతుపతి.. ఈసారి కోట్ సూట్‌లో విదేశీ నేపథ్యంలో సాగే గ్యాంగ్‌స్టర్ సినిమాలో కనిపిస్తున్నాడు. 

ఇక ఈ చిత్రంలో సాయేషా సైగల్, మడోన్నా సెబాస్టియన్ హీరోయిన్లుగా నటించారు. విదేశీ లొకేషన్లు, అక్కడి భారీ ఛేజింగ్స్, డైలాగ్స్ బాగున్నాయి. భారీ బడ్జెట్‌తో తెరకెక్కే ఈ సినిమా తప్పకుండా హిట్ అవుతుందని సినీ పండితులు అప్పుడే జోస్యం చెప్తున్నారు. ఇంకేముంది.. ''జుంగా'' ట్రైలర్ ఎలా వుందో మీరూ ఓ లుక్కేయండి.