అఖండ్ అప్డేట్ - బాలయ్య ఎంట్రీ ఎపిసోడ్‌ అదుర్స్
శనివారం, 22 మే 2021 (17:32 IST)
నందమూరి అభిమానులు ఎప్పుడెప్పుడా అని ఎదురుచూస్తున్న ప్రాజెక్టు అఖండ. బాలకృష్ణ-బోయపాటి శ్రీను కాంబినేషన్ లో ముచ్చటగా మూడోసారి వస్తున్న ఈ సినిమాపై భారీగానే అంచనాలున్నాయి.
ఇటీవలే విడుదలైన టీజర్ రికార్డు స్థాయిలో వ్యూస్‌ను రాబట్టింది. ఇంటర్వెల్ బ్యాంగ్‌‌లో అఘోరాగా బాలకృష్ణ ఎంట్రీ ప్రేక్షకులను సరికొత్త అనుభూతినిస్తుందని, అఖండ రషెస్ చూస్తే అర్థమవుతుంది.
ఫస్ట్ హాఫ్‌లో వచ్చే ఈ బ్రేక్ పాయింట్ సాలిడ్‌గా ఉంటుందట. అయితే తాజాగా ఈ ప్రాజెక్టుకు సంబంధించి కీ అప్ డేట్ ఒకటి ఫిలింనగర్ సర్కిల్‌లో చక్కర్లు కొడుతోంది. బాలయ్య ఎంట్రీ ఎపిసోడ్‌ను సినిమాకే హైలెట్‌గా నిలిచేలా డిజైన్ చేశాడట బోయపాటి.
ఈ స్పెషల్‌ ఎపిసోడ్‌తో ప్రేక్షకులకు గూస్ బంప్స్ రావడం ఖాయమట. అఖండ చిత్రంలో శ్రీకాంత్‌, పూర్ణ నెగెటివ్ షేడ్స్ ఉన్న పాత్రలో కనిపించబోతున్నారని తెలుస్తోంది.