ప్రముఖ దర్శకుడిపై జితేందర్ రెడ్డి హీరో రాకేష్ వర్రే ఫైర్

Rakesh Varre

చిన్న సినిమాలకు ప్రమోషన్ చేయాలంటే కాస్త పేరున్న సెలబ్రిటీలు సపోర్ట్ గా నిలిస్తే ఊపిరి పోసుకున్నట్లుంటుంది. అసలు సినిమానే ఎందుకు తీశాం. ఈ రంగంలో ఎందుకు వచ్చామనే భాధ కలగకూడదు. సినిమా చేసి విడుదలచేయాలంటే సెలబ్రిటీలతో ఫంక్షన్ చేస్తున్నారా అంటూ అడుగుతున్నారు. కానీ ఏ సెలబ్రిటీ రావడానికి సుముఖంగా లేరు. ఏదో సాకుతో తప్పించుకుంటున్నారంటూ తన ఆవేదనను ఆక్రోషాన్ని నటుడు రాకేష్ వర్రే వ్యక్తం చేశారు.

గతంలో ఓ పెద్ద దర్శకుడితో 3 సంవత్సరాల జర్నీ చేశా. ఆ తర్వాత నేను పేకమేడలు సినిమా నిర్మించాను. ఆ సినిమాకు సెలబ్రిటీ కోసం ఆ దర్శకుడికి చెబితే ఇలాంటి ఫంక్షన్ కు రావడంలేదని చెప్పారు. మరి మొన్ననే ఓ ఫంక్షన్ కు వెళ్ళారుగదా మాది కూడా అలాగే సపోర్ట్ చేయండి అని వేడుకున్నాను. అది ఆబ్లిగేషన్ అన్నారు. మాది కూడా అలా చేయండిసార్ అని వేడుకున్నా. కానీ ససేమిరా అన్నాడు. అంటే సినిమా రంగంలో పేరు లేకపోతే ఎవ్వరూ ముందుకు రారా? అసలు సినిమారంగం కొత్తవారిని రానీయదా? అంటూ ఆవేశంగా మాట్లాడారు. రాకేష్ గతంలో బాహుబలిలో అనుష్కను అవమానించే సైనికుడి పాత్ర పోషించాడు.

తాజాగా ఆయన నటించిన సినిమా జితేందర్ రెడ్డి. అందులో కాలేజీ యూనియన్ లీడర్ గా నటించాడు. నగ్జలిజంపై పోరు తో సినిమా వుంటుంది. ఈ ఏడాది నుంచిఎన్నో సార్లు విడుదలతేదీను మార్చుకుంటూ సరైన సపోర్ట్ లేక ఆఖరికి ఈనెల 8న సినిమాను విడుదల చేస్తున్నట్లు రాకేష్ వెల్లించారు.