రజనీకాంత్ 'కాలా' చిత్రంలో దళిత ఎమ్మెల్యేకి రోల్

తమిళ యువ దర్శకుడు పా. రంజిత్, సూపర్‌స్టార్ రజనీకాంత్ కాంబినేషన్‌లో "కాలా" అనే చిత్రం తెరకెక్కుతోంది. ఈ చిత్రం షూటింగ్ శరవేగంగా జరుపుకుంటోంది.

తమిళ యువ దర్శకుడు పా. రంజిత్, సూపర్‌స్టార్ రజనీకాంత్ కాంబినేషన్‌లో "కాలా" అనే చిత్రం తెరకెక్కుతోంది. ఈ చిత్రం షూటింగ్ శరవేగంగా జరుపుకుంటోంది. రజనీకాంత్ పూర్తి స్థాయి రాజకీయాల్లోకి అడుగుపెట్టకముందే ఈ చిత్రం షూటింగ్ పూర్తి చేయాలన్న పట్టుదలతో ఉన్నారు. 

ఈ చిత్రాన్ని రజనీకాంత్ అల్లుడు, తమిళ హీరో ధనుష్ నిర్మిస్తున్నారు. అయితే, ఈ చిత్రానికి సంబంధించిన ఆసక్తికరమైన వార్త ఒకటి వెలుగులోకి వచ్చింది. అయితే ఈ క్రేజీ ప్రాజెక్టులో గుజరాత్ రాష్ట్రానికి చెందిన దళితనేత, ఇటీవల స్వతంత్ర ఎమ్మెల్యేగా ఎన్నికైన జిగ్నేశ్ మేవాని నటించనున్నారని కోలీవుడ్‌లో టాక్ వినిపిస్తోంది.

జిగ్నేశ్ మేవాని ఇటీవలే డైరెక్టర్ పా.రంజిత్‌ను కలిసిన ఫోటో ఒకటి బయటకు రావడంతో ఈ వార్త నిజమై ఉంటుందని అంతా భావిస్తున్నారు. అయితే దీనిపై చిత్రయూనిట్ నుంచి మాత్రం ఎలాంటి ప్రకటన రాలేదు. కాగా, ఈ చిత్రంలో రజనీకాంత్ దళితుల కోసం పోరాడే వ్యక్తి పాత్రలో నటిస్తున్న విషయం తెల్సిందే.