టాలీవుడ్‌లో ఓ వెలుగు వెలిగిన శ్రీదేవి బయోపిక్ తెరకెక్కుతోంది. ఈ సినిమాలో జాన్వీ కపూర్ శ్రీదేవి పాత్రలో కనిపించబోతుందని టాక్ వస్తోంది. 16ఏళ్ళ వయస్సులో ఇండస్ట్రీలోకి వచ్చి అంచెలంచెలుగా ఎదిగిన శ్రీదేవి జీవిత చరిత్ర అంటే నిజంగా అద్భుతం అని చెప్పాలి.
శ్రీదేవి మరణం అటు తెలుగు ప్రేక్షకులకే కాదు బాలివుడ్, కోలీవుడ్ అభిమానులు కూడా జీర్ణించుకోలేని వార్త. తమ అభిమాన తార లేదన్న విషయం తెలిసి ఎందరో అభిమానులు తల్లడిల్లిపోయారు. వెండితెరపై మెరిసిన శ్రీదేవిని మళ్ళీ వెండితెరమీద చూడాలని భావిస్తున్నారు.
అయితే శ్రీదేవి బయోపిక్‌లో శ్రీదేవి పాత్రలో ఎవరు కనిపిస్తారనే ప్రశ్న మదిలో మెదలుతోంది. ఈ నేపథ్యంలో శ్రీదేవి రోల్‌‍లో ఆమెకూతురు జాన్వీతో చేయిస్తే బాగుంటుందని చాలామంది అభిప్రాయపడుతున్నారు. జాన్వీ కపూర్ తల్లి పాత్రకు ఒదిగిపోతుందని.. ఇంకా తల్లి గురించి ఆమెకు తెలుస్తుంది కాబట్టి ఆమైతే ఆ పాత్రకు సరిపోతుందని అందరూ భావిస్తున్నారు.