జబర్దస్త్ వినోద్‌కు బంపర్ ఆఫర్ కొట్టింది. జబర్దస్త్ షోలో వినోద్ లేడి గెటప్‌ల్లో ఆకట్టుకుంటున్న సంగతి తెలిసిందే. మధ్య ఈయనపై దాడి జరిగింది. అప్పుడు మరింత ఫేమస్ అయ్యాడు. ఇంటి ఓనర్ ఈయనపై దాడి చేయడం.. ఆ తర్వాత కేసులు అలా కొంతకాలం పాటు జబర్దస్త్‌కు దూరమయ్యాడు వినోద్.
దానికి ముందు కూడా కొన్ని రోజులు జగన్ పాదయాత్రలో పాల్గొన్నారని పక్కనబెట్టారు. ఇలా ఈ మధ్య చాలా వరకు వివాదాల్లోనే ఉంటున్న వినోద్.. ఈ మధ్యే మళ్లీ షోకు వచ్చాడు.
తాజాగా వినోద్‌కు బాలీవుడ్ అవకాశం వచ్చిందట. ఈ విషయాన్ని అతడే స్వయంగా వెల్లడించాడు. సెన్సేషనల్ హాట్ బ్యూటీ పూనమ్ పాండే సినిమాలో వినోద్ కీలక పాత్రలో నటిస్తున్నాడు. ఇప్పటికే ఈ సినిమా షూటింగ్ కూడా జరుగుతుంది.
ఓ షెడ్యూల్ కోసం వెళ్లొచ్చిన వినోద్.. తాజాగా మరో షెడ్యూల్ కోసం ముంబై వెళ్లాడు. ఈ మధ్యే ఓ యూట్యూబ్ ఛానెల్‌కి ఇచ్చిన ఇంటర్వ్యూలో వినోద్ స్వయంగా ఈ విషయాన్ని తెలిపాడు.
ఇటీవల తనపై దాడి జరగడంతో ఆ సినిమా షూటింగ్‌కు దూరంగా ఉండాల్సి వచ్చిందని చెప్పాడు. తన జీవితంలో చమ్మక్ చంద్రను ఓ పెద్దన్నలా భావిస్తానని.. చాలా విషయాల్లో ఆయన సహకారం అందిస్తారని చెప్పారు.