''సావిత్రి''ని పెళ్ళాడిన జేడీ చక్రవర్తి.. రహస్యంగా మూడు ముళ్లు వేసేశాడు.. వర్మ వచ్చాడా?

సంచలన దర్శకుడు రాంగోపాల్ వర్మ నిర్మాణ సారథ్యంలో జేడీ చక్రవర్తి దర్శకత్వంలో తెరకెక్కుతున్న "సావిత్రి" సినిమాలో హీరోయిన్‌‌గా నటిస్తున్న అనుకృతిని టాలీవుడ్ హీరో, డైరెక్టర్ జేడీ చక్రవర్తి (46) రహస్యంగా పె

సంచలన దర్శకుడు రాంగోపాల్ వర్మ నిర్మాణ సారథ్యంలో జేడీ చక్రవర్తి దర్శకత్వంలో తెరకెక్కుతున్న "సావిత్రి" సినిమాలో హీరోయిన్‌‌గా నటిస్తున్న అనుకృతిని టాలీవుడ్ హీరో, డైరెక్టర్ జేడీ చక్రవర్తి (46) రహస్యంగా పెళ్లి చేసుకున్నాడు. గతంలో ''పాపా'' డైరెక్టర్ యోగిపై సంచలన ఆరోపణలు చేసిన అనుకృతి... అతను అసభ్యకరమైన సీన్లలో తనను నటించమంటున్నాడంటూ ఈ భామ డైరెక్టర్ యోగిపై కేసు కూడా పెట్టింది. 

తాజాగా వర్మ సావిత్రిలో నటిస్తూ బిజీ బిజీగా గడుపుతోంది. అనుకృతి సావిత్రిలో నటించడం.. జేడీ చక్రవర్తి ఆమె ప్రేమలో పడటం జరిగింది. పెళ్లి చేసుకోవాలనే ఆలోచన కానీ అందుకు కావాల్సిన పరిణితి కానీ తనలో లేదని పలుమార్లు చెప్పిన జేడీ తల్లి శాంత ఒప్పించడంతో అనుకృతిని పెళ్లి చేసేసుకున్నాడు. 1989లో సంచలన చిత్రం శివతో పరిచయమైన జేడీ ఆ తర్వాత 1998లో సత్యతో డైరెక్టర్‌గా బాలీవుడ్‌ అరంగేట్రం చేసిన సంగతి తెలిసిందే. 

ఈ నేపథ్యంలో అనుకృతిని జేడీ రహస్యంగా నిరాడంబరంగా పెళ్లి చేసేసుకున్నాడు. ఈ పెళ్లి కుటుంబీకులు, బంధువులు, స్నేహితుల మధ్య ఈ వివాహం జరిగింది. ఇక ఓ ఇంటివాడైన జేడీకి టాలీవుడ్ సెలెబ్రిటీలు శుభాకాంక్షలు తెలియజేస్తున్నారు. అయితే శిష్యుడైన జేడీ చక్రవర్తి వివాహానికి గురువైన రామ్ గోపాల్ వర్మ వచ్చారా లేదా అని ఫ్యాన్స్ ఎదురుచూశారు. కానీ వర్మ హాజరైనట్లు ఫోటోలు లేకపోవడంతో ఓకే అంటూ సరిపెట్టుకున్నారు.