కరీంనగర్ నేపథ్యంలో ఇంటింటి రామాయణం రాబోతుంది

intinti Ramayanam crew

ఆహాకు తోడుగా సితార ఎంట‌ర్‌టైన్‌మెంట్స్ చేతులు క‌లిపి  రూపొందిన తెలుగు ఒరిజిన‌ల్ ఫిల్మ్ ‘ఇంటింటి రామాయణం’. ఈ ఫ్యామిలీ ఎంట‌ర్‌టైన‌ర్ ఆహాలో డిసెంబ‌ర్ 16 నుంచి స్ట్రీమింగ్ అవుతుంది. ఈ మూవీ టీజ‌ర్‌ను ఆహా విడుద‌ల చేశారు. ప్ర‌తిరోజూ పండగే, ప‌క్కా క‌మ‌ర్షియ‌ల్‌, శైల‌జా రెడ్డి అల్లుడు వంటి విజ‌య‌వంత‌మైన చిత్రాల‌ను రూపొందించిన ద‌ర్శ‌కుడు మారుతి ఈ సినిమాకు షో ర‌న్న‌ర్‌గా వ్య‌వ‌హ‌రించారు.

డైరెక్ట‌ర్ మారుతి మాట్లాడుతూ ‘‘ఆహాలో ఇంతకు ముందు ‘త్రీ రోజెస్’ను రూపొందించిన సంగతి తెలిసిందే.  అదే అనుబంధంతో చక్కటి ఫ్యామిలీ ఎంటర్‌టైన‌ర్ ఇంటింటి రామాయ‌ణంను రూపొందించాం. ఈ క‌థ మీ హృద‌యానికి హ‌త్తుకోవ‌ట‌మే కాదు.. మీరు ప్రేమించ‌న వ్య‌క్తులో గ‌డిపిన మ‌ధుర క్ష‌ణాల‌ను గుర్తుకు తెస్తుంది. నేటి రోజుల్లో మ‌న వ్య‌క్తిగ‌త జీవితాల్లోని భావోద్వేగాల‌ను ఎమోజీల రూపంలో వ్య‌క్తం చేస్తున్నాం. కానీ ఆహాలో రాబోతున్న ఈ ఇంటింటి రామాయ‌ణం సినిమాను వీక్షించిన‌ప్పుడు మీ ఇంటి స‌భ్యుల‌కు ఫోన్ చేసి మాట్లాడుతారు. ఒక‌వేళ వారు ఇత‌ర ప్రాంతాల్లో ఉంటే వెంట‌నే టికెట్ బుక్ చేసుకుని వెళ్లి వారిని క‌లుసుకోవాల‌నే కోరిక క‌లుగుతుంది. అంత స‌ర‌ళంగా అంద‌రికీ అర్థ‌మ‌య్యేలా ఉండ‌ట‌మే ఈ సినిమాకు ప్ర‌ధాన బ‌లం’’ 

మనం ఇది వరకు చూసి గ్రామీణ మధ్య తరగతి జీవిత కథలను ప్రతిబింబించే సినిమాయే ఇంటింటి రామాయణం. కరీంనగర్ నేపథ్యంలో సినిమా తెరకెక్కింది. అక్కడ గ్రామంలో ఉండే రాములు (నరేష్).. అతని  పక్క నుండే కుటుంబం ఓ సమస్యను ఎదుర్కొంటుంది. దీంతో వారిలో ఒకరినొకరు అనుమానపడతారు. అలాంటి సమయంలో వారిలోని భావోద్వేగాలు ఎలా ఉంటాయి. అవి వారి కుటుంబ సభ్యులపై ఎలాంటి ప్రభావాన్ని చూపిస్తాయనేదే ప్రధాన కథాంశం  అని తెలిపారు.