'భారతీయుడు-2'లో 65 యేళ్ళ వృద్ధురాలిగా కాజల్ కనిపిస్తుందా? (Video)

విశ్వనటుడు కమల్ హాసన్ తాజా చిత్రం భారతీయుడు-2. సెన్సేషనల్ డైరెక్టర్ శంకర్ దర్శకత్వంలో భారీ బడ్జెట్‌తో తెరకెక్కుతున్న ఈ చిత్రంలో కాజల్ అగర్వాల్ హీరోయిన్. ఈ చిత్రంలో ఈమె 65 యేళ్ళ వృద్ధురాలిగా కనిపించనుంది. 

నిజానికి భారతీయుడు చిత్రానికి ఈ చిత్రం సీక్వెల్. ఈ చిత్రంలో సుకన్య పోషించిన పాత్రను ఇపుడు కాజల్ పోషించనుంది. అంటే వృద్ధురాలి పాత్ర. దీంతో ఈ పాత్రలో నటించేందుకు ఆమె అంగీకరించకపోవచ్చని టాక్ వచ్చింది. కానీ, కాజల్ అగర్వాల్ మాత్రం ఇవేమీ పట్టించుకోకుండా గ్రీన్ సిగ్నల్ ఇచ్చింది. 

ఇదేఅంశంపై కాజల్ అగర్వాల్ స్పందిస్తూ, భారతీయుడు -2 చిత్రంలో తాను వృద్ధురాలి పాత్రలో కనిపించనుండటం నిజమే. ఈ పాత్రను నేను చేయగలనా? లేదా? అనే సంశయంతో చాలా భయపడ్డాను. కానీ నా మేకప్ చూసి నాకే ఆశ్చర్యం కలిగింది. నాపై నాకు నమ్మకం పెరిగింది. ఈ పాత్ర నా కెరియర్లో చెప్పుకోదగినదిగా నిలిచిపోతుందనే నమ్మకం వుంది అని ఆమె తాజాగా ఇచ్చిన ఓ ఇంటర్వ్యూలో వెల్లడించింది.