కంగనా హ్యాపీ హ్యాపీ.. యాంకర్‌కు అందరూ చూస్తుండగానే ముద్దెట్టేసింది..!

బాలీవుడ్ హీరోయిన్, కంగనా రనౌత్ మళ్లీ వార్తల్లో నిలిచింది. మహిళా హక్కుల గురించి పోరాటం చేస్తూ.. పురుషులపై వార్‌కు సై అంటున్న కంగనా రనౌత్.. తాజాగా తనను పొగిడిన యాంకర్ రాఘవ్‌ జుయల్‌‌ బుగ్గపై ముద్దెట్టింద

బాలీవుడ్ హీరోయిన్, కంగనా రనౌత్ మళ్లీ వార్తల్లో నిలిచింది. మహిళా హక్కుల గురించి పోరాటం చేస్తూ.. పురుషులపై వార్‌కు సై అంటున్న కంగనా రనౌత్.. తాజాగా తనను పొగిడిన యాంకర్ రాఘవ్‌ జుయల్‌‌ బుగ్గపై ముద్దెట్టింది. ఇంతకీ ఏం జరిగిందంటే.. కంగనా రనౌత్ తాజా సినిమా సిమ్రన్ ప్రమోషన్‌లో భాగంగా ''డ్యాన్స్‌ ప్లస్‌ 3'' అనే టీవీలో షోలో పాల్గొంది. అందులో వ్యాఖ్యాత రాఘవ్‌ జుయల్‌ కంగనాని ప్రశంసలతో ముంచెత్తాడు.

కంగనా రనౌత్ మహిళలకు ఆదర్శవంతమని చెప్పాడు. మహిళా హక్కులు, సమస్యలపై ఆమె నోరువిప్పారని.. స్త్రీపురుషులు సమానమని అనేక సార్లు అన్నారని కొనియాడాడు. అంతేగాకుండా కంగనా రనౌత్ పక్కన నిలబడినందుకు తాను గర్వంగా ఫీలవుతున్నానని చెప్పుకొచ్చాడు. దీంతో కంగనా సంతోషానికి అవధుల్లేకుండా పోయాయి.

అంతే జుయల్ బుగ్గపై అందరూ చూస్తుండగానే కంగనా ముద్దెట్టింది. అంతేగాకుండా బాలీవుడ్‌లో తన తీరును అర్థం చేసుకున్నందుకు కంగనా హర్షం వ్యక్తం చేసింది. స్టార్ ప్లస్ ఛానెల్ తమ ట్విట్టర్ ఖాతాలో కంగనా రనౌత్‌కు సంబంధించిన విషయాన్ని పోస్ట్ చేసింది.