హీరోయిన్‌గా చేయలేను కానీ అలాంటి పాత్రలు వస్తే చేస్తానంటున్న సమంత!

టాలీవుడ్ హీరోయిన్ సమంత కీలక నిర్ణయం తీసుకుంది. త్వరలోనే అక్కినేని ఇంటికి కోడలుగా వెళ్లనున్న ఈ ముద్దుగుమ్మ... హీరోలతో కలిసి రొమాన్స్ చేసేందుకు ససేమిరా అంటోంది. దీనికి కారణం లేకపోలేదు. హీరో నాగచైతన్య -

టాలీవుడ్ హీరోయిన్ సమంత కీలక నిర్ణయం తీసుకుంది. త్వరలోనే అక్కినేని ఇంటికి కోడలుగా వెళ్లనున్న ఈ ముద్దుగుమ్మ... హీరోలతో కలిసి రొమాన్స్ చేసేందుకు ససేమిరా అంటోంది. దీనికి కారణం లేకపోలేదు. హీరో నాగచైతన్య - సమంతల ప్రేమాయణం తర్వాత ఈ భామకు ఆఫర్లు బాగా తగ్గిపోయినట్టు ప్రచారం సాగుతోంది. దీంతో మంచి సపోర్టింగ్ రోల్స్ వస్తే... రెమ్యూనరేషన్ తగ్గించుకునేందుకు సిద్ధంగా ఉన్నానని సంకేతాలు ఇస్తోంది. ఈ నేపథ్యంలో నాగచైతన్యతో పెళ్లి ఫిక్స్ అయిన తరువాత తెలుగులో సమంత జోరు తగ్గిన విషయం అందరికీ తెలుసు. 

ఈ పరిస్థితుల్లో మహానటి సావిత్రి జీవిత చరిత్ర ఆధారంగా తెరకెక్కబోయే 'సావిత్రి' సినిమాలో టైటిల్ రోల్ కాకుండా మరో ముఖ్యమైన పాత్రలో కనిపించేందుకు ఓకే చెప్పిన ఈ అందాల భామ... తెలుగులో అలాంటి ముఖ్యమైన పాత్రల కోసం ఎదురు చూస్తోందని సమాచారం. అయితే హీరోయిన్‌గా కాకుండా ఇలాంటి పాత్రలు చేయడానికి రెమ్యూనరేషన్ తగ్గించుకోవాలని గమనించిన సమంత... మంచి రోల్స్ వస్తే పారితోషికం తగ్గించుకుంటానని సంకేతాలు పంపుతున్నట్టు గుసగుసలు వినిపిస్తున్నాయి.