అర్జున్ రెడ్డి లిప్ లాక్ సీన్లన్నీ పెన్ డ్రైవ్‌లో ఇస్తే తాతయ్య "చిల్''
''అర్జున్ రెడ్డి'' వివాదాల్లో చిక్కుకున్నప్పటి నుంచి సపోర్ట్ చేస్తున్న వివాదాస్పద దర్శకుడు రామ్ గోపాల్ వర్మ తాజాగా కాంగ్రెస్ నేత వి.హనుమంతరావుపై సెటైర్లు విసిరాడు. ఈ సినిమా పోస్టర్ అసభ్యంగా వుందని.. ఈ
''అర్జున్ రెడ్డి'' వివాదాల్లో చిక్కుకున్నప్పటి నుంచి సపోర్ట్ చేస్తున్న వివాదాస్పద దర్శకుడు రామ్ గోపాల్ వర్మ తాజాగా కాంగ్రెస్ నేత వి.హనుమంతరావుపై సెటైర్లు విసిరాడు. ఈ సినిమా పోస్టర్ అసభ్యంగా వుందని.. ఈ ఫోటోలే కాకుండా సినిమా కూడా యువతను తప్పుదారి పట్టిస్తుందని.. అందుచేత ఈ సినిమాపై నిషేధం విధించాలని డిమాండ్ చేశారు. తాజాగా రామ్ గోపాల్ వర్మ ఫేస్‌బుక్ ఖాతాలో ఓ పోస్ట్ చేశారు.
''అర్జున్ రెడ్డి'' చిత్ర యూనిట్‌కి తానిచ్చే సలహా ఏంటంటే? ఈ చిత్రంలోని ముద్దు సీన్లంటినీ కట్ చేసి ఓ పెన్ డ్రైవ్‌లో తాతయ్యకు ఇచ్చేస్తే ఆయన వాటిని గదిలో కూర్చుని ఒక్కరే చూస్తారు. అప్పుడు చిల్ అవుతారంటూ.. తనదైన శైలిలో వర్మ వ్యంగ్యాస్త్రాలు విధించారు.
అర్జున్ రెడ్డి సినిమాను రెండుసార్లు చూశానని.. తెలుగు సినీ పరిశ్రమలో లియోనార్డో డికాప్రియో విజయ్ దేవరకొండ అని చెప్పేందుకు తనకు ఎలాంటి అనుమానం లేదన్నారు. ప్రస్తుతం ఫిల్మ్ మేకింగ్‌లో ఉన్న స్టాండర్స్‌లో మార్పు తీసుకువచ్చేందుకు ఈ స్టార్ డమ్‌ను అతను ఉపయోగించుకోవాలని తాను ఆశిస్తున్నట్లు వర్మ చెప్పారు.