40కి చేరువైన వయసు ... పెళ్ళి ఎందుకు చేసుకోలేదో చెప్పిన హీరోయిన్...

వెళ్లవయ్యా.. వెళ్లూ.. అంటూ తెలుగు ప్రేక్షకులకు పరిచయమైన హీరోయిన్ సదా. జయం రవి నటించిన 'జయం' చిత్రంలో తన నటనతో ప్రేక్షకుల్లో చెరగని ముద్ర వేసుకున్నారు. ఆ తర్వాత అనేక చిత్రాల్లో నటించారు. ప్రస్తుతం ఆమె వయసు 39 యేళ్లు. ఆమె ఇప్పటివరకు వివాహం చేసుకోలేదు. దీనికి కారణాన్ని ఆమె వెల్లడించారు. పెళ్లి చేసుకుంటే పూర్తి స్వేచ్ఛను కోల్పోతామని చెప్పుకొచ్చింది.

తెలుగు, తమిళం, కన్నడం, మలయాళం, హిందీ భాషా చిత్రాల్లో నటించిన సదా.. ప్రస్తుతం టీవీ రియాల్టీ షోలు, డ్యాన్సుల్లో న్యాయనిర్ణేతగా వ్యవహరిస్తున్నారు. 39 యేళ్ల సదా.. ఇప్పటివరకు పెళ్లి ఎందుకు చేసుకోలేదో వివరించారు.

తాజాగా ఇచ్చిన ఇంటర్వ్యూలో ఆమె క్లారిటీ ఇచ్చారు. తనకు పెళ్లి అంటే ఆసక్తి లేదని స్పష్టం చేశారు. పెళ్లి చేసుకునే వ్యక్తి అర్థం చేసుకునే వాడు కావొచ్చు. కాకపోవచ్చు అని సెలవిచ్చారు. పెళ్లి చేసుకుంటే స్వేచ్ఛను కోల్పోతామన్నారు. ఈ రోజుల్లో పెళ్లిళ్లు ఎక్కువకాలం నిలబడటం లేదని, చిన్న చిన్న కారణాలకే భార్యాభర్తలు విడిపోతున్నారని అందుకే తనకు పెళ్లిపై ఏమాత్రం ఆసక్తి లేదని వెల్లడించారు.