ఆకట్టుకునే అందచందాలతో ఇటు తెలుగు, అటు తమిళ ప్రేక్షకులకు చాలా దగ్గరైన హీరోయిన్ నమిత. ఈమె గత నెల 24వ తేదీన తన ప్రియుడు వీరేంద్రను తిరుమల వెంకన్న సన్నిధిలో పెళ్లి చేసుకుంది.
ఆకట్టుకునే అందచందాలతో ఇటు తెలుగు, అటు తమిళ ప్రేక్షకులకు చాలా దగ్గరైన హీరోయిన్ నమిత. ఈమె గత నెల 24వ తేదీన తన ప్రియుడు వీరేంద్రను తిరుమల వెంకన్న సన్నిధిలో పెళ్లి చేసుకుంది. తిరుపతి ఇస్కాన్ టెంపుల్లో వేదమంత్రాల సాక్షిగా వీరేంద్రని వివాహం జరగగా, పెళ్ళి వేడుకకు శరత్ కుమార్, రాధిక దంపతులతో పాటు పలువురు కోలీవుడ్ ప్రముఖులు హాజరయ్యారు.
పెళ్ళిలో నమిత పింక్ శారీని ధరించగా, వీరేంద్ర పింక్ శెర్వానీలో కనిపించాడు. ప్రస్తుతం వీరి పెళ్ళికి సంబంధించిన ఓ వీడియో సోషల్ మీడియాలో చక్కర్లు కొడుతుంది. నమిత చివరిగా తెలుగులో హీరో బాలకృష్ణ నటించి 2010లో విడుదలైన 'సింహ'లో కనిపించింది.
'సొంతం' చిత్రం ద్వారా టాలీవుడ్‌కి పరిచయమైన నమిత, ఆ తర్వాత వెంకటేష్ హీరోగా నటించిన 'జెమినీ' చిత్రంలో నటించింది. తెలుగులో తగినన్ని అవకాశాలు రాకపోవడంతో నమిత ఆ తర్వాత కోలీవుడ్‌పై దృష్టి సారించి అక్కడే సెటిలై పోయింది.