నా క్లైయింట్‌కు రూ.10 కోట్లు చెల్లించాలి.. సల్లూభాయ్‌కు అడ్వకేట్ లీగల్ నోటీసు
సల్మాన్ తాజా చిత్రం ''సుల్తాన్'' ప్ర‌మోష‌న్‌లో భాగంగా బాలీవుడ్ కండ‌ల వీరుడు రేప్‌పై చేసిన వ్యాఖ్య‌లు వివాదానికి దారితీసిన సంగతి తెలిసిందే. ఈ క్ర‌మంలోనే స‌ల్మాన్‌కు లీగల్ నోటీసులు పంపించింది హ‌ర్యాణా
సల్మాన్ తాజా చిత్రం ''సుల్తాన్'' ప్ర‌మోష‌న్‌లో భాగంగా బాలీవుడ్ కండ‌ల వీరుడు రేప్‌పై చేసిన వ్యాఖ్య‌లు వివాదానికి దారితీసిన సంగతి తెలిసిందే. ఈ క్ర‌మంలోనే స‌ల్మాన్‌కు లీగల్ నోటీసులు పంపించింది హ‌ర్యాణా రాష్ట్రానికి చెందిన అత్యాచార బాధితురాలు. హ‌ర్యాణా పంజాబ్ రాష్ట్ర హైకోర్టు అడ్వకేట్ ర‌జ‌త్ క‌ల్సాన్... సల్మాన్ ఖాన్ ముంబ‌ై నివాసానికి ఈ నోటీసుల‌ను పంపారు. ఓ అత్యాచార బాధితురాలు సల్మాన్ చేసిన వ్యాఖ్యలకి రూ.10 కోట్లు ఇవ్వాల్సిందిగా డిమాండ్‌ చేస్తూ భాయ్‌కి లీగల్ నోటీసు పంపింది.
సల్మాన్ చేసిన వ్యాఖ్య‌లు త‌న మనసుని ఎంతగానో బాధించాయనీ బాధితురాలు నోటీసులో పేర్కొంది. అదికూడా నోటీసులు అందిన 15 రోజుల్లోనే ఆ మొత్తాన్ని త‌న‌కు చెల్లించాల‌ని బాధితురాలు హెచ్చరించింది. బాధితురాలి త‌రుపున లాయ‌ర్ ర‌జ‌త్... త‌న క్లైంట్‌కు రూ.10 కోట్లు చెల్లించ‌ని నేప‌థ్యంలో సల్మాన్ ఖాన్ చేసిన వ్యాఖ్య‌ల‌కు త‌ప్ప‌కుండా శిక్ష అనుభ‌వించి తీరాల్సిందేనంటూ పేర్కొన్నారు. అత్యాచార బాధితురాలు ఓ ద‌ళితురాల‌ని ఆయ‌న వెల్ల‌డించారు. అయితే సల్లూ భాయ్ మాత్రం ఈ వాదనపై ఇంకా స్పందించలేదు.