టీమిండియా క్రికెటర్‌తో అనుష్క పెళ్లి.. నిశ్శబ్ధం ఎప్పుడో తెలుసా? (video)

Anushka shetty

బాహుబలి దేవసేన అనుష్క పెళ్లి గురించి ఎప్పుడూ వినని ఓ వార్త సోషల్ మీడియాలో వైరల్‌గా మారింది. అదేంటంటే? అనుష్క త్వరలో టీమిండియా క్రికెటర్‌ను వివాహం చేసుకోనుందని వార్తలు వినిపిస్తున్నాయి. ఆ మధ్య యంగ్‌ రెబల్‌ స్టార్‌ ప్రభాస్‌తో అనుష్క ప్రేమలో ఉందని జోరుగా ప్రచారం సాగిన సంగతి తెలిసిందే. అయితే ప్రభాస్ తనకు స్నేహితుడు మాత్రమేనని కొట్టిపారేసింది. 

ఆ తరువాత ఒక బిజినెస్ మ్యాన్ తో స్వీటీ పెళ్లి జరగబోతుందని వార్తలు వినిపించాయి. తర్వాత ఆ వార్తకుడా గాసిప్‌గానే మిగిలిపోయింది. ఇక ఇప్పుడు ఏకంగా టీమిండియా క్రికెటర్‌తో పెళ్లి ఫిక్స్ అయ్యిందని త్వరలో అధికారిక ప్రకటన వస్తుందని టాక్.

ప్రస్తుతం అనుష్క 'నిశ్శబ్దం' అనే సినిమాలో నటిస్తోంది. హేమంత్ మధుకర్ డైరెక్ట్ చేస్తోన్న ఈ సినిమాని తెలుగుతో పాటు తమిళ, మలయాళ, హిందీ, ఇంగ్లీష్ భాషల్లో చిత్రీకరిస్తున్నారు.

ఈ సినిమాను ఏప్రిల్ రెండో తేదీన విడుదల చేయనున్నట్లు తాజాగా సినీ యూనిట్ సోషల్ మీడియా ద్వారా ప్రకటించింది. ఈ సినిమాలో అనుష్క మూగ, చెవిటి అమ్మాయిగా కనిపించనుంది. మాధవన్, అంజలి, షాలిని పాండే, హాలీవుడ్ యాక్టర్ మైకేల్ కీలక పాత్రలో నటిస్తున్నారు.