"జై లవ కుశ" మరో "దాన వీర శూర కర్ణ"... మా తమ్ముడొక్కడే చేయలగలడు : కళ్యాణ్ రామ్

బాబీ దర్శకత్వంలో హీరో కళ్యాణ్ రామ్ నిర్మాతగా నిర్మించిన చిత్రం జై లవ కుశ. ఈ చిత్రం థియేట్రికల్ ట్రైలర్, ఆడియో విడుదల కార్యక్రమం ఆదివారం జరిగింది. ఈ కార్యక్రమంలో నిర్మాతగా కళ్యాణ్ రామ్ మాట్లాడుతూ... ‘జ

బాబీ దర్శకత్వంలో హీరో కళ్యాణ్ రామ్ నిర్మాతగా నిర్మించిన చిత్రం జై లవ కుశ. ఈ చిత్రం థియేట్రికల్ ట్రైలర్, ఆడియో విడుదల కార్యక్రమం ఆదివారం జరిగింది. ఈ కార్యక్రమంలో నిర్మాతగా కళ్యాణ్ రామ్ మాట్లాడుతూ... ‘జై లవ కుశ’ సినిమాను తారక్ తప్పించి ఎవరూ చేయలేరన్నారు.

చిత్ర దర్శకుడు బాబీ ఈ సినిమా టైటిల్‌తో సహా స్క్రిప్ట్‌ను తనకు వినిపించాడని, పదే పది నిమిషాల్లో ఓకే చేశానని అన్నారు. ఈ సినిమాను ఓకే చేసేందుకు జూనియర్ ఎన్టీఆర్ వారం రోజుల సమయం తీసుకున్నాడని, అలా ఎందుకు చేశాడో, అప్పుడు తనకు అర్థం కాలేదని, ఆ తర్వాత, తనకు అర్థమైందని అన్నారు.

వారం రోజుల తర్వాత ఈ సినిమాకు సంబంధించిన ప్రతి డైలాగ్‌ను గుర్తుంచుకున్న తారక్, తనకు వినిపించాడని, దీంతో, ఈ సినిమా అంటే తారక్‌కు ఎంత ఇష్టమో తనకు అప్పుడు అర్థమైందని అన్నారు. ‘మా తాతయ్య నందమూరి తారక రామారావు గారికి "దాన వీర శూర కర్ణ" చిత్రం ఎంత పేరు తెచ్చిందో.. తమ్ముడికి ‘జై లవ కుశ’ అంత పేరు తెస్తుంది’ అని కల్యాణ్ రామ్ చెప్పుకొచ్చారు.