హరీష్ కళ్యాణ్, అతుల్య రవి జంటగా థర్డ్ ఈవ్ ఎంటర్‌టైన్‌మెంట్, ఎస్పీ సినిమాస్ బ్యానర్స్ పై షణ్ముగం ముత్తుసామి దర్శకత్వంలో ఎం దేవరాజులు నిర్మిస్తున్న రొమాంటి యాక్షన్ ఎంటర్టైనర్ కు 'డీజిల్ 'అనే టైటిల్ ని ఖరారు చేశారు. తెలుగు, తమిళ భాషల్లో రూపుదిద్దుకుంటున్న ఈ చిత్రం టైటిల్ తో పాటు ఫస్ట్ లుక్ పోస్టర్స్ ని కూడా విడుదల చేశారు.
ఒక పోస్టర్‌లో డీజిల్ ట్యాంక్‌ ని పట్టుకున్న హరీష్ కళ్యాణ్, హాఫ్ శారీలో అందంగా కనిపిస్తున్న అతుల్యను రొమాంటి గా చూస్తుండగా, మరో పోస్టర్ లో ఇంటెన్స్ మోడ్ లో డీజిల్ ట్యాంక్‌ పైపు పట్టుకుని టెర్రిఫిక్ గా కనిపించాడు హరీష్ కళ్యాణ్. రోమాన్స్ తో పాటు యాక్షన్ ని జోడించిన ఫస్ట్ లుక్ పోస్టర్స్ సినిమాపై ఆసక్తిని పెంచాయి.
ధిబు నినన్ థామస్ సంగీతం అందిస్తున్న ఈ చిత్రానికి ఎంఎస్ ప్రభు సినిమాటోగ్రఫీ అందిస్తున్నారు. షాన్ లోకేష్ ఎడిటర్ గా రెంబన్ ఆర్ట్ డైరెక్టర్ గా రాజశేఖర్ స్టంట్ డైరెక్టర్ గా ఈ చిత్రానికి పని చేస్తున్నారు.
ప్రస్తుతం పోస్ట్ ప్రొడక్షన్ పనులు శరవేగంగా జరుపుకుంటున్న ఈ చిత్రం త్వరలోనే ప్రేక్షకుల ముందుకు వస్తోంది.