బాహుబలి సినిమాతో భారీ విజయం తరువాత మళ్ళీ రాజమౌళి చిత్రీకరిస్తున్న సినిమా ఆర్.ఆర్.ఆర్. ఈ సినిమాపై అభిమానుల్లో భారీ అంచనాలే ఉన్నాయి. ఎప్పుడెప్పుడు సినిమా పూర్తయ్యి రిలీజ్ చేస్తారా అన్న ఆశక్తి ప్రతి ఒక్కరిలో నెలకొంది.
రాజమౌళి ఏ సినిమా తీసినా ఆ సినిమా సూపర్ డూపర్ హిట్ కావడం ఖాయమన్నది సినీవిశ్లేషకుల అభిప్రాయం. అలాంటి రాజమౌళిపై అభిమానులు ఉన్నట్లుండి ఆగ్రహం వ్యక్తం చేస్తున్నారు. వార్నింగులు కూడా ఇచ్చేస్తున్నారు. అందుకు కారణం ఆర్.ఆర్.ఆర్. సినిమానే.
ఈ సినిమా అల్లూరి సీతారామరాజు, కొమరాంభీం పోరాట యోధులకు సంబంధించి చిత్రీకరిస్తున్నారు. ఊహాజనితంగా సినిమా తీయకుండా నిజ జీవితాన్ని చూపించాలంటూ ట్విట్టర్ వేదికగా రాజమౌళికి అభిమానులు మెసేజ్‌ల రూపంలో వార్నింగులు ఇచ్చేస్తున్నారు.
వారిద్దరు గొప్ప మహనీయులు.. మీరు రొమాన్సులు పెట్టి ఎంటర్టైన్‌మెంట్‌గా సినిమాను చూపిస్తే భారీ మూల్యం చెల్లించుకోక తప్పదని హెచ్చరిస్తున్నారు అభిమానులు. ఈ సినిమాలో కొమరం భీంగా జూనియర్ ఎన్టీఆర్, అల్లూరి సీతారామరాజుగా రాంచరణ్‌లు నటిస్తున్నారు.