దసరా స్పెషల్ : ఎఫ్-3 నుంచి సరికొత్త పోస్టర్ రిలీజ్

అనిల్ రావిపూడి దర్శకత్వంలో సీనియర్ హీరో వెంకటేష్, యువ హీరో వరుణ్ తేజ్‌లు నటిస్తున్న సీక్వెల్ చిత్రం ఎఫ్-3. ప్రముఖ నిర్మాత దిల్ రాజు నిర్మాణ సారథ్యంలో తెరకెక్కుతుంది. దసరా పర్వదినం సందర్భంగా ఈ సినిమాకు సంబంధించిన స్పెషల్ పోస్టర్‌ను విడుదల చేశారు.

తొలి భాగంతో పోలిస్తే సీక్వెల్ మరింత కామెడీ ఉంటుందని.. పొట్టలు చెక్కలయ్యేలా అనిల్ రావిపూడి ఈ సినిమా స్క్రిప్ట్‌ను రెడీ చేసారట. లాక్డౌన్ సమయంలో ఇంటి దగ్గరే కూర్చుని మరింత పక్కా స్క్రీన్ ప్లేను దర్శకుడు అనిల్ సిద్ధం చేశారు. 

ఇదిలావుంటే, 'ఎఫ్-3' కథ ఇదేనంటూ సోషల్ మీడియాలో ఓ స్టోరీ చక్కర్లు కొడుతుంది. 'ఎఫ్-2' ఫ్రస్టేషన్స్ మీదే ఈ చిత్రాన్ని తెరకెక్కించారు. కానీ మూడో భాగం మాత్రం డబ్బులతో వచ్చే సమస్యల చుట్టూ అల్లుకున్నట్టు సమాచారం. ఇది ఫస్ట్ లుక్ పోస్టర్‌తోనే ఖరారు చేశారు. 

అయితే కథ కూడా డబ్బుల చుట్టూనే తిరగనుంది. 'ఎఫ్-2'లో భర్తల ఫ్రస్టేషన్ కనిపిస్తుంది. ఇక్కడ భార్యలు చేసే పనులతో భర్తలు ఎలాంటి ఇబ్బందులు పడతారు అనే కాన్సెప్టుతో 'ఎఫ్-3' రానుందని ప్రచారం జరుగుతుంది.