హీరో డా. రాజశేఖర్ తనయురాలుగా శివానీ, శివాత్మిక తెలుగు సినిమా రంగంలోకి వచ్చాయి. కోటబొమ్మాళి తో శివానీ నటిగా మంచి పేరు తెచ్చుకుంది. జీవితా రాజశేఖర్ ల నటవారసురాళ్ళుగా ఇద్దరూ సినిమారంగంలోకి వచ్చారు. మొదట్లో నిర్మాణ రంగంలో వున్నారు. ఇప్పటి ట్రెండ్ కు తగినట్లు సినిమాలు నిర్మించడంలో వారి అంచనాలు బాగున్నాయని తల్లిదండ్రులు కితాబుఇచ్చారు. జులై 1 న శివానీ పుట్టినరోజు. ఈ సందర్భంగా ఆమె కొత్త లుక్ ను విడుదలచేసింది.
తెలుగులో కంటే తమిళంలో ముందుగా నటించిన శివానీ 2 స్టేట్స్ అనే సినిమాలో మొదటి అడుగు వేసింది. జీవిత పెద్ద కుమార్తెగా ఆమె ఆ సినిమాలో కొంత భాగం షూట్ చేశారు. అడవి శేష్ హీరోగా నటించిన ఈ సినిమా కొంత భాగం షూట్ అయ్యాక సాంకేతిక కారణాలతో ఆగిపోయింది. ఆ తర్వాత తమిళంలో నటించింది. వెబ్ సిరీస్ లో నటించిన అద్భుతం బాగా పేరు తెచ్చిపెట్టింది.
మరో వెబ్ సిరీస్ విద్యావాసుల అహం కూడా పేరు తెచ్చినా సినిమాల్లో ఎందుకనే పెద్దగా అవకాశాలు రాలేకపోతున్నాయి. ఇటీవలే కొందరు తెలుగు అమ్మాయిలు కథానాయికలుగా వస్తున్నారు. ఆ కోవలో శివానీ మరిన్ని అవకాశాలు రావాలని ఆశిద్దాం.