సూపర్ స్టార్ మహేష్ బాబు అందం వయసుతో పాటు పెరుగుతూనే ఉంది. వయసు పెరుగుతున్న కొద్దీ యవ్వనంగా మారుతున్నారు. అయితే ఇలా హ్యాండ్సమ్‌గా కనిపించేందుకు మహేష్ చాలా కఠోర శిక్షణ తీసుకున్నాడట.
జిమ్‌లో కఠినమైన వ్యాయామాలు చేస్తూ, బాడీ ఫిట్‌నెస్‌ను కాపాడుకుంటూ, డైట్ పాటిస్తూ.. యంగ్‌గా కనిపిస్తున్నారు. తాజాగా మహేష్ బాబు జిమ్‌లో వర్కవుట్ చేస్తున్న ఫోటోలు, వీడియోలను తన సోషల్ మీడియా ద్వారా అభిమానులతో పంచుకున్నాడు.
మహేష్ ఇటీవల తన జిమ్ ట్రైనర్‌ను పరిచయం చేస్తూ ఓ క్యూట్ ఫోటో షేర్ చేయగా ఇప్పుడు అది వైరల్‌గా మారింది. ఇంతకీ మహేష్ బాబుకి జిమ్‌లో ట్రైనింగ్ ఇచ్చే ట్రైనర్ ఎవరో తెలుసా.. మహేష్ పెంపుడు కుక్క "స్నూపీ".
తాజాగా మహేశ్ బాబు షేర్ చేసిన ఆ పిక్‌లో.. మహేష్ జిమ్‌లో వర్క్‌అవుట్‌లు చేస్తుండగా, స్నూపీ ఎదురుగా కూర్చుని మహేష్‌ని చూస్తోంది.
కాగా మహేష్ ఇంట్లో ఫ్లూటో అనే కుక్క ఉండేది. కానీ అనారోగ్యంతో చనిపోయింది. దాంతో మహేష్ ‘స్నూపీ’ని దత్తత తీసుకుని అప్పటి నుంచి స్నూపీతో ఉన్న ఫొటోలను తన అభిమానులతో పంచుకుంటున్నాడు.
మరో ఫోటోలో మహేష్ స్నూపీని పట్టుకుని కనిపిస్తున్నాడు. ఉదయాన్నే ప్రారంభించడానికి స్నూపీని ముద్దు పెట్టుకోవడం కంటే మంచి మార్గం లేదని మహేష్ రాశాడు. ఇక మహేష్ సినిమాల విషయానికి వస్తే ప్రస్తుతం గుంటూరు కారం సినిమాలో నటిస్తున్నాడు.
త్రివిక్రమ్ దర్శకత్వంలో తెరకెక్కుతున్న ఈ సినిమాలో శ్రీలీల, మీనాక్షి చౌదరి హీరోయిన్లుగా నటిస్తున్నారు. 2024 సంక్రాంతికి ఈ చిత్రాన్ని విడుదల చేసేందుకు చిత్ర బృందం కసరత్తు చేస్తోంది. ప్రస్తుతం ఈ సినిమా షూటింగ్ ఏఎన్నార్ వర్చువల్ స్టూడియోలో జరుగుతోంది.