హెల్త్ యూనివర్సిటీ పేరు మార్చడం పట్ల తెలుగు తల్లి సిగ్గుపడుతోంది, కన్నీరు పెడుతోంది

విజయవాడలో వున్న ఎన్టీఆర్ హెల్త్ యూనివర్శిటీ పేరు మార్పుపై సినీ ఇండస్ట్రీకి చెందిన ప్రముఖులు ఒక్కొక్కరుగా స్పందిస్తున్నారు. తాజాగా దర్శకేంద్రుడు కె. రాఘవేంద్ర రావు స్పందించారు. ఆయన ట్విట్టర్లో.. '' తెలుగువారి ఆత్మగౌరవాన్ని నిలబెట్టిన మహనీయుడు అన్న నందమూరి తారక రామారావు గారు. ఆయన పేరుతో ఉన్న హెల్త్ యూనివర్సిటీ పేరు మార్చడం పట్ల తెలుగు తల్లి సిగ్గుపడుతోంది, కన్నీరు పెడుతోంది.'' అని పేర్కొన్నారు.

మిమ్మల్ని మార్చడానికి ప్రజలున్నారు, పంచభూతాలున్నాయ్

ఎన్టీఆర్ ఆరోగ్య విశ్వవిద్యాలయం పేరు మార్చడంపై హిందూపురం ఎమ్మెల్యే బాలకృష్ణ ఆగ్రహం వ్యక్తం చేసారు. ఎన్టీఆర్ అనేది మార్చేయడానికి అదేమీ పేరు మాత్రమే కాదు, ఓ సంస్కృతి, నాగరికత, తెలుగు జాతి వెన్నెముక అన్నారు. ఆనాడు వైస్సార్ విమానాశ్రయం పేరు మారిస్తే ఈరోజు కుమారుడు వచ్చి యూనివర్శిటీ పేరు మార్చారు.

ఆ మహనీయుడు పెట్టిన రాజకీయ భిక్షతో బతుకుతున్న నేతలున్నారు... పీతలున్నారు. ఒక్క విషయం గుర్తుపెట్టుకోండి, మిమ్మిల్ని మార్చడానికి ప్రజలు వున్నారు, పంచ భూతాలున్నాయి. తస్మాత్ జాగ్రత్త అన్నారు.