దీప్తి సునైనాకు యాక్సిడెంట్.. అసలు జరిగిందేంటి?

Deepti Sunaina

దీప్తి సునైనా సోషల్ మీడియా, బిగ్ బాస్ ద్వారా సూపర్ పాపులారిటీ సంపాదించింది. తాజాగా దీప్తి సునైనా ప్రమాదానికి గురైందని వార్తలు వస్తున్నాయి. దీనిపై తాజాగా ఆమె స్పందించారు. సోషల్ మీడియా ద్వారా విపరీతమైన క్రేజ్ తెచ్చుకున్న అతి కొద్ది మంది తెలుగు క్యూటీలలో దీప్తి సునైనా ఒకరు. యూట్యూబ్ ద్వారా తన ఫన్నీ వీడియోలతో ఎంతో మంది అభిమానులను సంపాదించుకుంది ఈ సుందరి. ఆ తర్వాత బిగ్ బాస్ 2 తెలుగు సీజన్ లోకి అడుగుపెట్టి క్రేజ్ సంపాదించుకుంది. తనీష్‌తో చాలా ఆప్యాయంగా, సన్నిహితంగా ఉంటూ కాస్త వివాదంగా మారింది. 

ఈ విధంగా, దీప్తి సునైనా బిగ్ బాస్ ద్వారా విభిన్న మార్గాల్లో క్రేజ్ తెచ్చుకుంది. ఇదిలా ఉంటే ఇటీవల దీప్తి సునైనాకు యాక్సిడెంట్ అయినట్లు వార్తలు వచ్చాయి. దీప్తి సునైనా నిర్వహించిన తాజా ఇన్‌స్టాగ్రామ్ ఆస్క్ మీ సెషన్‌లో, “మీకు ప్రమాదం జరిగినట్లు వార్తలు వస్తున్నాయి. నిజమేనా అక్కా?" అని ఓ అభిమాని ప్రశ్నించారు. దీనిపై దీప్తి సునైనా స్పందించింది. ప్రమాదం గురించి ఇన్‌స్టా స్టోరీ వీడియోలో చెప్పేశాను. నేను కూడా ఆ వీడియో చూశాను. చాలా మంది నాకు పంపించారు. 6, 7 ఏళ్ల క్రితం అలియా ఖాన్ అనే షార్ట్ ఫిల్మ్ చేశాను. అది ఆ వీడియోలోని షాట్. నాకు ఎలాంటి ప్రమాదం జరగలేదు. ఈ వీడియోలో దీప్తి సునైనా మాట్లాడుతూ “నేను చాలా బాగున్నాను. అంతా మంచిదే. కానీ, అది ఏమిటో తెలియకుండా మీరు వార్తలను ఎలా పోస్ట్ చేస్తారు? దీంతో ఆమెకు ఎలాంటి ప్రమాదం జరగలేదని స్పష్టమైంది.