''ప్రస్తుతం ఇండస్ట్రీలో చిన్న సినిమాలను ప్రజల్లోకి తీసుకువెళ్ళడానికి గతిలేని పరిస్థితి కనిపిస్తోంది. నా తరఫున ఈ సినిమాను ప్రోత్సహించాలని ఈ కార్యక్రమానికి వచ్చానని'' సీనియర్‌ దర్శకుడు దాసరి నారాయణరావు అన్నారు. విజయ్‌ భరత్‌, అశ్విని, సత్యం రాజేష్‌, సంప
''ప్రస్తుతం ఇండస్ట్రీలో చిన్న సినిమాలను ప్రజల్లోకి తీసుకువెళ్ళడానికి గతిలేని పరిస్థితి కనిపిస్తోంది. నా తరఫున ఈ సినిమాను ప్రోత్సహించాలని ఈ కార్యక్రమానికి వచ్చానని'' సీనియర్‌ దర్శకుడు దాసరి నారాయణరావు అన్నారు. విజయ్‌ భరత్‌, అశ్విని, సత్యం రాజేష్‌, సంపూర్నేష్‌ బాబు, పృథ్వి ప్రధాన పాత్రల్లో నటించిన 'వినోదం 100%' చిత్ర ప్రమోషన్‌లో ఆయన పాల్గొన్నారు. ఈ చిత్రానికి జై శ్రీరామ్‌ దర్శకుడు.
ఇంకా ఆయన మాట్లాడుతూ.. ఈ సినిమాలో పృథ్వి, సత్యం రాజేష్‌, సంపూర్నేష్‌ బాబు ఇలా 100% వినోదాన్నిచ్చే ఆర్టిస్టులే ఉన్నారు. ఈ చిత్ర దర్శకుడు నా 'ధ్వని ప్రతిధ్వని' సినిమాకు అసిస్టెంట్‌ డైరెక్టర్‌గా పని చేశాడు. ఖచ్చితంగా ఈ సినిమాను బాగా డైరెక్ట్‌ చేసే ఉంటాడు. రామదాసు ఈ సినిమాను రిలీజ్‌ చేసే బాధ్యత తన మీద వేసుకున్నాడు. ఈనెల 27న సినిమాను రిలీజ్‌ చేస్తున్నారు. టీం అందరికి మంచి జరగాలని కోరుకుంటున్నానని చెప్పారు.
రామదాసు మాట్లాడుతూ.. ఈ సినిమాను నేను చూశాను. బాగా వచ్చింది. ఖచ్చితంగా ఆడియన్స్‌ అందరూ ఎంటర్టైన్‌ అవుతారని చెప్పారు. నిర్మాత శ్రీనివాసరావు మాట్లాడుతూ.. ఈ సినిమా కొంత భాగాన్ని విదేశాల్లో చిత్రీకరించాం. మంచి విజయం సాధిస్తుందని ఆశిస్తున్నానని చెప్పారు. దర్శకుడు జై శ్రీరాం మాట్లాడుతూ.. చిన్న సినిమాలను ప్రోత్సహించాలనే ఉద్దేశ్యంతో రామదాసు గారు ఈ సినిమాను రిలీజ్‌ చేయడానికి ముందుకొచ్చారనీ, ఈ సందర్భంగా ధన్యవాదాలు తెలియజేశారు.