శృతి మించుతున్న టాప్ ఛానల్ డ్యాన్స్ షో... చూడండి గురూ అంటున్నారు...

బుల్లితెర షోలలో డ్యాన్స్ షోలకు అభిమానులు ఎక్కువే. అందులోను ఈటీవీ లాంటి ఛానళ్ళు టెలికాస్ట్ చేసే డ్యాన్స్ షోలంటే అభిమానులు పడి చచ్చిపోతుంటారు. ఢీ డ్యాన్స్ షోకి అభిమానులు లక్షలాదిమందే ఉన్నారు. ఈ షోకు రెగ్యులర్‌గా చూసే అభిమానులు లేకపోలేదు. అయితే ఆ షోలో ఈ మధ్య శృంగార సన్నివేశాలు కనిపిస్తున్నాయనే విమర్శలు వస్తున్నాయి. న్యాయనిర్ణేతలే ఆశ్చర్యపోయేలా కొన్ని డ్యాన్స్ షోలు నడుస్తున్నాయి.

ఏదో చేద్దామని కొంతమంది డ్యాన్సర్లు రెచ్చిపోయి నృత్యం చేస్తున్నప్పుడు శృంగార భంగిమలు కనిపిస్తున్నాయంటున్నారు. దీంతో ఆ షో కాస్త విమర్శలను ఎదుర్కొంటోంది. గతంలో ఇలాంటి కొన్ని షోలను బ్యాన్ కూడా చేసేశారు. ఇప్పుడు ఈ షో వంతు వచ్చిందా అనే అనుమానాలను వ్యక్తం చేస్తున్నారు. 

ఈ షోలో ఉన్న యాంకర్లు సుధీర్, రేష్మిలు అద్భుతంగా యాంకరింగ్ చేస్తూ అందరినీ అలరించే ప్రయత్నం చేస్తున్నారు. కానీ ఇందులో ఉన్న సన్నివేశాలను కుటుంబ సభ్యుల మధ్య కూర్చుని చూడలేకపోతున్నారు. ఇలాంటివి శృతి మించక ముందే షో నిర్వాహకులు స్పందించాలంటూ కొంతమంది అభిమానులు ఆ టీవీ యజమానులకు మెసేజ్‌లు పంపుతున్నారట. లక్షలాది మంది అభిమానులు చూస్తున్న ఈ షోను నడుపుతారో లేక అందులో పార్టిసిపేట్ చేస్తున్న వారికి క్లాస్ పీకుతారో వేచి చూడాల్సిందే.