ప్రభాస్ "సలార్" ట్రైలర్ రిలీజ్‌కు ముహూర్తం ఖరారు

ఇంటర్నేషనల్ స్టార్ ప్రభాస్ హీరోగా నటించిన చిత్రం సలార్. ప్రశాంత్ నీల్ దర్శకుడు. రెండు భాగాలుగా రానున్న ఈ చిత్రం మొదటి భాగం డిసెంబరు 22వ తేదీన రానుది. దీంతో ఈ చిత్రం ట్రైలర్‌ను విడుదల చేసేందుకు ముహూర్తాన్ని చిత్ర నిర్మాణ సంస్థ ఖరారు చేసింది. 

హోంబలో ఫిలిమ్స్ పతాకంపై నిర్మాత విజయ్ కిరగందూర్ నిర్మించిన ఈ చిత్రం ట్రైలర్‌ను డిసెంబర్ 1వ తేదీన రాత్రి 7:19 నిమిషాలకు రిలీజ్ చేయనున్నారు. ఈ విషయాన్ని తెలియజేస్తూ కొత్తగా మరో పోస్టర్‌ను వదిలారు. పూర్తిగా యాక్షన్‌లోకి దిగిపోయిన ప్రభాస్ లుక్ ఆకట్టుకుంటోంది.

ప్రభాస్ సరసన శ్రుతి హాసన్ నటిస్తున్న ఈ సినిమాలో, జగపతిబాబు, పృథ్వీరాజ్ సుకుమారన్, గరుడ రామచంద్రరాజు ముఖ్యమైన పాత్రలలో కనిపించనున్నారు. స్పెషల్ సాంగ్‌లో సిమ్రత్ కౌర్ మెరవనుంది. రవి బస్రూస్ సంగీతాన్ని సమకూర్చుతున్న ఈ సినిమాపై భారీ అంచనాలు ఉన్నాయి.