రెండు తెలుగు రాష్ట్రాల్లో సంక్రాంతి సంబరాలు అంబరాన్ని తాకాయి. తొలి రోజున భోగి పండుగ వేడుకలను ప్రతి ఒక్కరూ జరుపుకున్నారు. ఈ క్రమంలో మెగాస్టార్ చిరంజీవి ఇంట పండగ వేడుకలు ఘనంగా ప్రారంభమయ్యాయి. సంక్రాంతి సెలబ్రేషన్స్ కోసం చిరంజీవి - అల్లు అరవింద్ కుటుంబ సభ్యులు బెంగళూరులోని ఫామస్‌కు చేరుకున్నారు.
ఇంటి డెకరేషన్, విందు భోజనం, స్నాక్స్ - కాఫీ టైమ్, మెహందీ, యోగా టైమ్ అంటూ పలు వీడియోలను ఉపాసన ఇన్స్టా స్టోరీస్లో షేర్ చేశారు. తమ కుటుంబంలోకి ఇటీవల కోడలిగా అడుగుపెట్టిన లావణ్య త్రిపాఠిని ఉద్దేశించి.. "కొత్త కోడలు ఇంటిల్లిపాదికి సున్నుండలు చేస్తోంది. ఆమె ఎంతో స్వీట్" అని వీడియో పోస్ట్ చేశారు. దీనిపై లావణ్య స్పందించారు. "థ్యాంక్యూ.. సూపర్ స్వీట్ పెద్ద కోడలు" అని రిప్లై ఇచ్చారు.
చిరంజీవి కుటుంబం ప్రతి ఏడాది సంక్రాంతిని వేడుకగా చేసుకుంటుంది. ఆ కుటుంబానికి చెందిన హీరోలందరూ షూట్స్ నుంచి బ్రేక్ తీసుకుని చిరు నివాసంలో గెట్ టు గెదర్ అవుతారు. ఆటలు, పాటలతో సరదాగా గడుపుతారు. వరుణ్ తేజ్ - లావణ్య వివాహం, క్లీంకార పుట్టిన తర్వాత తొలి సంక్రాంతి కావడంతో ఈసారి సెలబ్రేషన్స్ మరింత స్పెషల్గా మారాయి. పవన్ కల్యాణ్ తనయుడు అకీరా నందన్, కుమార్తె ఆద్య కూడా వేడుకల్లో పాల్గొనడం గమనార్హం.