మాధవన్‌కు మరో ఆఫర్ ఇప్పించిన నాగచైతన్య... ఎందుకంటే?

అక్కినేని నాగ‌చైత‌న్య న‌టిస్తోన్న తాజా చిత్రం స‌వ్య‌సాచి. ఈ చిత్రాన్ని ప్రేమ‌మ్ ఫేమ్ చందు మొండేటి తెర‌కెక్కిస్తున్నారు. మైత్రీ మూవీ మేక‌ర్స్ సంస్థ ఈ చిత్రాన్ని ప్ర‌తిష్టాత్మ‌కంగా నిర్మిస్తోంది. ప్ర‌స్

అక్కినేని నాగ‌చైత‌న్య న‌టిస్తోన్న తాజా చిత్రం స‌వ్య‌సాచి. ఈ చిత్రాన్ని ప్రేమ‌మ్ ఫేమ్ చందు మొండేటి తెర‌కెక్కిస్తున్నారు. మైత్రీ మూవీ మేక‌ర్స్ సంస్థ ఈ చిత్రాన్ని ప్ర‌తిష్టాత్మ‌కంగా నిర్మిస్తోంది. ప్ర‌స్తుతం హైద‌రాబాదులో షూటింగ్ జ‌రుపుకుంటోంది. చైతు స‌ర‌స‌న నిధి అగ‌ర్వాల్ న‌టిస్తోంది. ఈ సినిమాలో మాధ‌వ‌న్, భూమిక కీల‌క పాత్ర‌లు పోషిస్తున్నారు. చైతు క్యారెక్ట‌ర్ ఈ చిత్రానికి హైలైట్‌గా నిలుస్తుంద‌ని.. ద‌ర్శ‌కుడు చందు మొండేటి చెబుతున్నారు. 

ఇదిలా ఉంటే.. హీరో మాధ‌వ‌న్‌తో వ‌ర్క్ చేయ‌డం చైతుకి బాగా న‌చ్చేసింద‌ట‌. అందుక‌నే మాధ‌వన్‌కి చైతు మ‌రో ఆఫ‌ర్ ఇప్పించాడ‌ట‌. ఇంత‌కీ ఏ సినిమాలో అంటారా..? త‌న సినిమాలోనే. అవును.. ఈ సినిమా త‌ర్వాత చైత‌న్య నిన్నుకోరి డైరెక్ట‌ర్ శివ నిర్వాణ‌తో ఓ సినిమా చేస్తున్నాడు. ఇందులో చైతు స‌ర‌స‌న స‌మంత న‌టిస్తోంది. ఈ సినిమాలో ఓ పాత్ర ఉంద‌ట‌. ఆ పాత్ర‌ను మాధ‌వ‌న్ చేస్తేనే బాగుంటుంద‌ని చైతు చెప్పాడ‌ట‌. డైరెక్ట‌ర్ శివ మాధ‌వన్‌కి క‌థ చెప్ప‌డం.. మాధ‌వ‌న్ ఓకే అన‌డం జ‌రిగింద‌ని స‌మాచారం.