బిగ్‌బాస్-2 : కౌశల్‌కు మద్దతుగా 2కే ర్యాలీ.. భారీగా వచ్చిన ఫాలోయర్లు...
బిగ్‌బాస్-2 సీజన్‌లో పాల్గొన్న కంటెస్టెంట్‌లలో ఒకరు కౌశల్. ఈయన ఎలిమినేషన్ జోన్‌కు వచ్చినపుడల్లా కౌశల్ ఆర్మీ ఆయన్ను కాపాడుతూ వస్తోంది. అయితే, ఈ సైన్యం అంతా ఉత్తుత్తిదేనంటూ జోరుగా ప్రచారం జరిగింది.
బిగ్‌బాస్-2 సీజన్‌లో పాల్గొన్న కంటెస్టెంట్‌లలో ఒకరు కౌశల్. ఈయన ఎలిమినేషన్ జోన్‌కు వచ్చినపుడల్లా కౌశల్ ఆర్మీ ఆయన్ను కాపాడుతూ వస్తోంది. అయితే, ఈ సైన్యం అంతా ఉత్తుత్తిదేనంటూ జోరుగా ప్రచారం జరిగింది. దీంతో దీన్ని నిజం చేసేందుకు ఆదివారం ఉదయం ఉదయం కౌశల్ ర్యాలీ పేరుతో 2కే రన్‌ను నిర్వహించారు. ఈ ర్యాలీలో సుమారు 2 వేల మందికిపైగా ఆయన ఫ్యాన్స్ పాల్గొన్నారు.
నిజానికి కౌశల్ ఎప్పుడు ఎలిమినేషన్ జోన్‌లోకి వచ్చినా, ఈ ఆర్మీ భారీగా ఓట్లు వేసి, ఆయనను సేఫ్ జోన్‌లోకి తీసుకెళుతోంది. కౌశల్‌కు అభిమానులుగా ఉన్న వారు ర్యాలీలో పాల్గొనాలని శనివారం సోషల్ మీడియా ద్వారా కౌశల్ ఆర్మీ పిలుపునివ్వగా, ఆదివారం ఉదయం మాదాపూర్‌లో జరిగిన ర్యాలీకి భారీ స్పందన వచ్చింది.
అమ్మాయిలు, అబ్బాయిలు, పిల్లల తల్లులు కూడా ఈ ర్యాలీలో పాల్గొన్నారు. ఇంకోసారి తమది పెయిడ్ ఆర్మీ అంటే ఊరుకోబోయేది లేదని ర్యాలీకి వచ్చిన వారు హెచ్చరించడం గమనార్హం. దీంతో కౌశల్‌కు ఇంత రేంజ్‌లో ఫ్యాన్ ఫాలోయింగ్ ఉందా? అన్న కొత్త చర్చ మొదలైంది.