బిగ్ బాస్ హౌస్‌లో నామినేషన్.. ఫ్రెండ్‌షిప్ పనికిరాదు..

బిగ్ బాస్ హౌస్‌లో నామినేషన్ ప్రక్రియ కొనసాగుతోంది. నామినేషన్ ప్రక్రియ జరిగిన తర్వాత కొన్ని నిజాలు బయటపడ్డాయి. బిగ్‌బాస్‌లో స్నేహాలు నామినేషన్ టైమ్‌లో పనిచేయవని మరోసారి రాహుల్, వరుణ్‌ల ప్రవర్తన ద్వారా రుజువైంది. అంతేకాకుండా బయట ఎంత మంచి స్నేహం ఉన్నా కూడా బిగ్ బాస్ హౌస్ లో అది వేస్టే అని నిరూపితమైంది.

రాహుల్ మొదటి నుండి శ్రీముఖి అంటే విరుచుకుపడుతూనే ఉన్నాడు. అయితే ఈ మధ్య అది ఇంకా ఎక్కువైంది. టాస్క్‌లలో అతని పర్‌ఫార్మెన్స్ తనకంటే బాగుంటుంది కాబట్టి అతనికి ఇచ్చానని చెప్పుకొచ్చాడు. అయితే టాస్క్‌లలో పర్ ఫార్మ్ చేయడమే ముఖ్యమైతే శ్రీముఖి రాహుల్ కంటే గొప్పగా చేసింది. ఏ టాస్క్‌లో వంద శాతం ఎఫర్ట్ పెట్టి ఎంటర్‌టైన్ చేసింది. అలాంటిది శ్రీముఖి అడిగితే ఇవ్వలేదు సరికదా ఆమెతో వాదనకు దిగాడు.

అయితే ఇంతకుముందు నుండి ఆమెతో సరైన స్నేహం లేకపోయినప్పటికీ ఇప్పటికిప్పుడు శ్రీముఖితో అలా బిహేవ్ చేయడానికి కారణం స్క్రీన్ స్పేస్ కోసమేనని వినిపిస్తోంది. హౌస్ మెంబర్స్ అందరిలోకి యాక్టివ్ అయిన శ్రీముఖిని టార్గెట్ చేస్తే లైమ్ లైట్ లోకి రావచ్చనే ఉద్దేశ్యంతో రాహుల్ అలా ప్రవర్తించి ఉంటాడని సోషల్ మీడియాలో వార్తలు వస్తున్నాయి.