బిగ్ బాస్ ఆరో సీజన్‌లో స్టార్ కంటిస్టెంట్ వాసంతి హౌస్ నుంచి బయటికి వచ్చేసింది. ఈ సందర్భంగా ఆమె ఓ ఇంటర్వ్యూలో మాట్లాడుతూ.. బిగ్ బాస్ హౌస్‌కి వచ్చిన వాళ్లంతా బరువు ఎందుకు తగ్గిపోతారనే విషయంపై స్పందించింది. హౌస్‌లో ఉన్నవారికి సరిపోయేంత ఫుడ్ ఐటమ్స్ వస్తూనే వుంటాయి.
కానీ ఒత్తిడి కారణంగా.. మెంటల్ టెన్షన్ ద్వారా తిన్న ఆహారం వంటబట్టదు. కంటిస్టెంట్లు తర్వాత ఏం జరుగబోతోందనే దానిపై ఆలోచిస్తూ వుంటారు. అందువలన అందరూ సన్నబడుతుంటారని వాసంతి వెల్లడించింది. తాను కూడా 53 కేజీల నుంచి 47 కేజీలకు తగ్గానని తెలిపింది.
ఆరు కేజీల బరువు తగ్గడంతో తన డ్రెస్‌లు తనకు వదులుగా అయిపోయాయని చెప్పుకొచ్చింది. తాను బిగ్ బాస్ హౌస్‌లో 70 రోజులు వున్నానని తెలిపింది. నిజానికి ఇది సామాన్యమైన విషయం కాదంది. ఏ వారం ఎవరు ఎలిమినేషన్ కావొచ్చు అనేది హౌస్‌లో ఉన్న మాకు ఒక అంచనా అంటూ ఉండేది.
కానీ ఎప్పుడైతే హౌస్ నుంచి సూర్య .. గీతూ వెళ్లిపోయారో, ఏ క్షణం ఎవరైనా బయటికి వెళ్లిపోవచ్చుననే నిర్ణయానికి వచ్చేశామని వాసంతి వెల్లడించింది.