బుల్లితెరపై ఎన్నో ఏళ్లుగా ప్రేక్షకులను అలరిస్తున్న కామెడీ షోలలో జబర్దస్త్ ఒకటి. తెలుగు రాష్ట్రాల్లో బాగా పాపులర్ అయిన ఈ జబర్దస్త్ 2013లో మొదలైంది. పదేళ్లుగా ఈ షో ప్రేక్షకులను అలరిస్తోంది. అయితే త్వరలోనే ఈ షోకు ఎండ్ కార్డ్ రానుందని సమాచారం. ఎంతో మందికి ఉపాధి కల్పించిన ఈ షోకి ఎండ్ కార్డ్ ఉంటుంది.. ఏం జరిగిందో ఈ స్టోరీలో తెలుసుకుందాం.
ఈ షో ద్వారా చాలా మంది హీరోలుగా, కమెడియన్లుగా, దర్శకులుగా సినీ రంగంలోకి అడుగుపెట్టారు. ఇక ఈ షోను రెండు విభాగాలుగా మార్చిన తర్వాత రష్మీ యాంకరింగ్ కూడా చేస్తుంది. అయితే జబర్దస్త్ షోకు మొదట అనసూయ యాంకరింగ్ చేయగా, న్యాయనిర్ణేతలుగా నాగబాబు మరియు రోజా ఉన్నారు.
ఇక రోజా, నాగబాబు ఈ షో నుంచి తప్పుకోవడంతో జనాల్లో కాస్త ఆసక్తి తగ్గింది. అంతే కాకుండా, షోలో అసభ్యకరమైన కామెడీ ఎక్కువని ట్రోలింగ్ వ్యాఖ్యలు ఉన్నాయి. మరోవైపు షో యాంకర్లు మారిపోయారు. యాంకర్ అనసూయ కూడా ఈ షోకి గుడ్ బై చెప్పింది. దాంతో ప్రేక్షకులు ఈ షోకి కాస్త దూరంగా ఉన్నారు.
ప్రస్తుతం ఈ షోలకు రష్మీ, సిరి హనుమంత్‌లు యాంకర్లు కాగా, ఇటీవలి వరకు కుష్బూ, భగవాన్‌లు న్యాయనిర్ణేతలుగా ఉన్నారు. తాజాగా కుష్బూ వెళ్లిపోవడంతో... ఆమె స్థానంలో మహేశ్వరి వచ్చింది.