సీనియర్ నటుడు, నరేష్ భార్య పవిత్రా నరేష్‌కు ఊహించని షాక్ ఎదురైంది. పీహెచ్డీ కోసం పవిత్ర కన్నడ విశ్వవిద్యాలయం కామన్ ఎంట్రన్స్ టెస్ట్ (CET)లో ఉత్తీర్ణులయ్యారు. అయితే ఆ సంతోషం ఆమెకు కొంతకాలం కూడా నిలవలేదు.
పవిత్ర లోకేష్ కొన్ని వారాల క్రితం పిహెచ్‌డి చేయడానికి బళ్లారిలోని హంపి కన్నడ విశ్వవిద్యాలయంలో ప్రవేశ పరీక్షకు హాజరయ్యారు. ఆమె ప్రియుడు నరేష్ పవిత్రని పరీక్ష కోసం యూనివర్సిటీకి తీసుకెళ్లాడు. కొన్ని వారాల క్రితం ప్రవేశ పరీక్ష జరిగింది.
పవిత్ర కన్నడ సాహిత్యంలో పీహెచ్డీ చేసేందుకు ఈ పరీక్ష రాసింది. ఇటీవలే పరీక్ష ఫలితాలు వెలువడ్డాయి. ఉత్తీర్ణత సాధించినా యూనివర్శిటీలో సీటు రావడానికి కావాల్సిన ర్యాంక్ రాలేదు. దీంతో అర్హత సాధించిన అభ్యర్థుల తుది జాబితాలో పేరు లేదు.
మాతృభాష సాహిత్యంలో పీహెచ్డీ చేయాలనే తన కల ఇప్పట్లో నెరవేరలేదని చెప్పింది. పవిత్ర లోకేష్ ఫలితాలపై యూనివర్సిటీ రిజిస్ట్రార్ స్పందించారు. పవిత్ర లోకేష్ ఉత్తీర్ణత సాధించారు.
అయితే ఆమెకు సరైన ర్యాంక్ రాకపోవడంతో సీటు రాలేదన్నారు. దీంతో పవిత్ర కాస్త నిరాశకు లోనైంది. అయితే ఆమెకు పీహెచ్డీ చేసే అవకాశం ఇంకోసారి వస్తుందో లేదో చూడాలి.
