సోషల్ మీడియాను షేక్ చేస్తున్న 'భీమ్లా నాయక్'

పవర్ స్టార్ పవన్ కళ్యాణ్ - సాగర్ కె చంద్ర దర్శకత్వంలో తెరకెక్కుతున్న చిత్రం "భీమ్లా నాయక్". మాటల మాంత్రికుడు త్రివిక్రమ్ శ్రీనివాస్ మాటలు అందిస్తున్నారు. ఈ చిత్రం టైటిల్ సాంగ్‌ను ఇటీవల రిలీజ్ చేశారు. 

ప‌వ‌న్ బ‌ర్త్ డే సంద‌ర్భంగా విడుద‌లైన టైటిల్ రికార్డులు క్రియేట్ చేస్తుంది. టాలీవుడ్‌లో అత్యంత వేగంగా 1 మిలియన్ లైక్స్ సాధించిన పాటగా ఈ సాంగ్ రికార్డు నెలకొల్పింది. ఈ విషయాన్ని తెలిపిన చిత్ర నిర్మాణ సంస్థ.. "భీమ్లా నాయక్" నుంచి మరో పవర్‌ఫుల్ పోస్టర్ రిలీజ్ చేసి పవన్ అభిమానులను హుషారెత్తించింది.

టైటిల్ సాంగ్ థ‌మన్ సంగీత సార‌థ్యంలో రూపొంద‌గా, దీనికి రామజోగయ్య శాస్త్రి సాహిత్యం అందించారు. మొగులయ్య, జోసెఫ్, థమన్, శ్రీకృష్ణ, పృథ్వీచంద్ర, రామ్ మిరియాల ఆలపించిన తీరు శ్రోతలను కట్టిపడేస్తోంది. 

దీంతో యూట్యూబ్ వ్యూస్‌పరంగా ఈ సాంగ్ ఓ రేంజ్‌లో దూసుకుపోతోంది. సితార ఎంటర్‌టైన్‌మెంట్స్ బ్యానర్‌పై ఎంతో ప్రతిష్టాత్మకంగా రూపొందిస్తున్న ఈ చిత్రం సంక్రాంతికానుకగా ఈ సినిమా విడుదల కానుంది.