'అను బేబి' అంటూ అదరగొడుతున్న "శైలజా రెడ్డి అల్లుడు"
అక్కినేని నాగచైతన్య, అను ఎమ్మాన్యుయేల్ జంటగా నటించిన చిత్రం "శైలజా రెడ్డి అల్లుడు". ఇందులో సీనియర్ నటి రమ్యకృష్ణ అత్తగా కనిపించనుంది. ఆమెకు అల్లుడు నాగచైతన్య.
అక్కినేని నాగచైతన్య, అను ఎమ్మాన్యుయేల్ జంటగా నటించిన చిత్రం "శైలజా రెడ్డి అల్లుడు". ఇందులో సీనియర్ నటి రమ్యకృష్ణ అత్తగా కనిపించనుంది. ఆమెకు అల్లుడు నాగచైతన్య. ఈ చిత్రానికి మారుతి దాసరి దర్శత్వం వహిస్తుంటే, సితార ఎంటర్‌టైన్‌మెంట్స్ అధినేతలు నాగవంశి, ప్రసాద్‌లు సంయుక్తంగా నిర్మిస్తున్నారు. గతంలో వీరిద్దరు 'ప్రేమమ్', 'బాబు బంగారం' వంటి చిత్రాలను నిర్మించారు.
ఈ చిత్రం ఈనెలాఖరులో ప్రేక్షకుల ముందుకురానుంది. ఈ నేపథ్యంలో ఈ చిత్రంలోని ఓ పాట వీడియోను రిలీజ్ చేశారు. అను బేబి అంటూ సాగే ఈ పాట వినసొంపుగా, ప్రేక్షకులను ఆకట్టుకునేలా ఉంది.
ఇటీవ‌ల విడుద‌లైన టీజ‌ర్‌కి మంచి రెస్పాన్స్ రావ‌డంతో మూవీపై కూడా భారీ అంచ‌నాలు నెల‌కొన్నాయి. ఇపుడు ఈ వీడియో పాట మరింతగా హైప్స్ క్రియేట్ చేసింది. కాగా, గోపి సుంద‌ర్ చిత్రానికి సంగీతం అందించాడు.