యాంకర్ ప్రదీప్‌కు కష్టాలు తప్పేలా లేవు. ప్రస్తుతం డ్రంకన్ డ్రవ్ నిబంధనల ప్రకారం జైలు శిక్ష తప్పదని తెలుస్తోంది. గత రాత్రి పూటుగా మద్యం తాగి, పోలీసులకు ప్రదీప్ అడ్డంగా దొరికిపోయాడు. సాధారణంగా డ్రంకెన్
యాంకర్ ప్రదీప్‌కు కష్టాలు తప్పేలా లేవు. ప్రస్తుతం డ్రంకన్ డ్రవ్ నిబంధనల ప్రకారం జైలు శిక్ష తప్పదని తెలుస్తోంది. గత రాత్రి పూటుగా మద్యం తాగి, పోలీసులకు ప్రదీప్ అడ్డంగా దొరికిపోయాడు. సాధారణంగా డ్రంకెన్ డ్రైవ్ లో పట్టుబడి బ్రీత్ అనలైజర్ టెస్టులో 35 పాయింట్లు దాటితే, వాహనం సీజ్, శిక్ష తప్పదు.
ఇక గత రాత్రి ప్రదీప్ కు 178 పాయింట్లు వచ్చాయి. దీంతో అతనికి జైలు తప్పదని వార్తలు వస్తున్నాయి. గత రాత్రి ఆయన వాహనాన్ని సీజ్ చేసిన పోలీసులు, మంగళవారం నాడు కౌన్సెలింగ్ కు, కోర్టుకు హాజరయ్యేందుకు రావాలని ఆదేశించారు.
ఇప్పటి నిబంధనల ప్రకారం, 100 పాయింట్లు దాటి పట్టుబడితే, రెండు రోజుల నుంచి వారం రోజుల జైలు శిక్ష విధిస్తున్నారు. దీనికి కూడా వ్యక్తి హోదా, నడుపుతున్న వాహనం, ఎన్నోసారి పట్టుబడ్డాడన్న విషయాలను కోర్టు పరిగణనలోకి తీసుకుంటుంది. దీంతో జైలు శిక్ష తప్పదని పోలీసుల వర్గాల సమాచారం.