అన్నయ్యకు మైల్‌ స్టోన్‌లా అమిగోస్‌: ఎన్‌.టి.ఆర్‌.

NTR, Nandamuri Kalyan Ram

మా అన్నయ్య మా ఫ్యామిలీలో ప్రయోగాత్మక సినిమాల్లో నటించే హీరో అయ్యాడు.. అని నందమూరి కళ్యాన్‌ రామ్‌ గురించి ఎన్‌.టి.ఆర్‌. తెలిపారు. కళ్యాణ్‌ రామ్‌ నటించిన అమిగోస్‌ సినిమా ప్రీరిలీజ్‌ వేడుక నిన్న రాత్రి హైదరాబాద్‌లో జరిగింది. ఈ సందర్భంగా ఎన్‌.టి.ఆర్‌. మాట్లాడుతూ, ట్రైలర్‌ చూస్తుంటే దర్శకుడు రాజేందర్‌ రెడ్డి ఎంతో అద్భుతంగా తీసినట్లు కనిపిస్తుంది. అన్నయ్య కెరీర్‌లో ఈ సినిమా మైల్‌స్టోన్‌లా నిలవడం ఖాయం అని తెలిపారు. 

విలక్ష‌ణ‌మైన పాత్ర‌ల్లో న‌టిస్తూ త‌న‌కంటూ ఓ ప్ర‌త్యేక‌మైన గుర్తింపు సంపాదించుకున్న నంద‌మూరి క‌ళ్యాణ్ రామ్ త్రిపాత్రిభిన‌యంలో న‌టించిన చిత్రం ‘అమిగోస్’.  రాజేంద్ర రెడ్డి ద‌ర్శ‌క‌త్వంలో ప్రముఖ నిర్మాణ సంస్థ మైత్రీ మూవీ మేకర్స్ బ్యానర్‌పై న‌వీన్ ఎర్నేని, వై.ర‌విశంక‌ర్ ఈ చిత్రాన్ని నిర్మిస్తున్నారు. ప్ర‌పంచ వ్యాప్తంగా ఫిబ్ర‌వ‌రి 10న గ్రాండ్ లెవ‌ల్లో సినిమా రిలీజ్ అవుతుంది.