కవల పిల్లలకు జన్మనివ్వనున్న హీరోయిన్ అమలాపాల్!!

సినీ నటి అమలాపాల్ త్వరలోనే కవల పిల్లలకు జన్మనివ్వనున్నారు. ఇటీవల ఆమె తన స్నేహితుడు జగత్ దేశాయ్‌ను రెండో వివాహం చేసుకున్న విషయం తెల్సిందే. ఆ తర్వాత కొద్ది రోజులకే తల్లికాబోతున్నట్టు తన ఇన్‌స్టా ఖాతాలో అధికారికంగా వెల్లడించింది. ఇపుడు త్వరలోనే ఇద్దరు పిల్లలకు జన్మినివ్వనున్నట్టు తెలిపారు. కాగా, ప్రస్తుతం ఆమె చేతిలో మూడు మలయాళ చిత్రాలు ఉన్నాయి. 

గతంలో కోలీవుడ్ దర్శకుడు ఏఎల్ విజయ్‌ను ప్రేమించి పెళ్లి చేసుకున్నారు. కొంతకాలం తర్వాత మనస్పర్థలు తలెత్తడంతో వారిద్దరూ విడిపోయారు. అలా కొంతకాలం సింగిల్‌గా ఉంటూ సినిమాల్లో నటిస్తూ వచ్చిన అమలా పాల్.. తన స్నేహితుడు, వ్యాపారవేత్త అయిన జగత్ దేశాయ్‌ను ప్రేమించి పెళ్లి చేసుకున్నారు. ఇపుడు ఈ దంపతులు తల్లిదండ్రులు కాబోతున్నారు.