టాలీవుడ్‌లో స్టైలిష్ స్టార్‌గా పేరు తెచ్చుకున్న అల్లు అర్జున్ కుమారుడు అల్లు అయాన్ బుధవారం ఐదో పుట్టినరోజు జరుపుకుంటున్నాడు. కుమారుడి పుట్టినరోజును పురస్కరించుకుని బన్నీ, ఆయన భార్య స్నేహా రెడ్డి సోషల్‌మీడియాలో అయాన్‌కు పుట్టినరోజు శుభాకాంక్షలు అందించారు. ‘హ్యాపీ బర్త్‌డే మై బేబీ. వీడు మాకెంతో అమూల్యం' అంటూ పోస్ట్ చేసారు.
ఈ సందర్భంగా అల్లు అర్జున్ తన తండ్రి (అల్లు అరవింద్‌) అయాన్‌కు పుట్టినరోజు బహుమతిగా స్విమ్మింగ్ పూల్‌ ఇచ్చారని, ఆ విషయం విని నేను ఇంకా షాక్‌లో ఉన్నానంటూ తెలిపారు. కొద్ది రోజుల క్రితం పుట్టినరోజు బహుమతిగా ఏ కావాలంటూ నాన్న అయాన్‌ను అడిగారు. వాడు స్విమ్మింగ్ పూల్‌ కావాలని చెప్పగా, 45 రోజుల వ్యవధిలో కట్టించేశారు.
అటువంటి తాతయ్య ఉండటం వాడి లక్ అని చెప్పారు. నాలుగో తరం పిల్లలు.. అల్లు పూల్‌’ అంటూ పిల్లలు సరదాగా స్విమ్మింగ్ పూల్‌లో ఉన్న ఫోటోలను బన్నీ షేర్‌ చేశారు. ‘హ్యాపీ బర్త్‌డే అయాన్’ అంటూ కుటుంబంతో కేక్‌ కట్‌ చేస్తున్న ఫొటోలను స్నేహారెడ్డి షేర్‌ చేయగా, ‘పుట్టినరోజు శుభాకాంక్షలు రౌడీ బాయ్‌’ అంటూ చిరు చిన్నల్లుడు కల్యాణ్‌దేవ్‌ సోషల్ మీడియాలో విష్ చేసారు.