యాక్షన్ హీరోయిన్‌గా అమలాపాల్.. ట్వీట్ చేసిన కాజల్ అగర్వాల్ ఎందుకు?

దర్శకుడు విజయ్ మాజీ భార్య, సినీ నటి అమలాపాల్ కొత్త అవతారం ఎత్తింది. లేడీ ఓరియెంటెడ్ సినిమాలో అమలాపాల్ కనిపించనుంది. పెళ్ళికి తర్వాత సినిమాలు చేసిన అమలాపాల్.. విబేధాల కారణంగా భర్తకు దూరమైన సంగతి తెలిసి

దర్శకుడు విజయ్ మాజీ భార్య, సినీ నటి అమలాపాల్ కొత్త అవతారం ఎత్తింది. లేడీ ఓరియెంటెడ్ సినిమాలో అమలాపాల్ కనిపించనుంది. పెళ్ళికి తర్వాత సినిమాలు చేసిన అమలాపాల్.. విబేధాల కారణంగా భర్తకు దూరమైన సంగతి తెలిసిందే. ఆపై పలు సినీ అవకాశాలను అందిపుచ్చుకున్న అమలాపాల్.. తాజాగా యాక్షన్ థ్రిల్లర్‌లో కనిపించనుంది. 

తమిళంలో నయనతార, త్రిష బాటలో అమలాపాల్ కూడా కాన్సెప్ట్ బేస్డ్ సినిమాలతో దూసుకెళ్తోంది. తాజాగా అమలాపాల్ ''అదో అంద పరవై పోల'' చిత్రంలో నటిస్తోంది. ఈ సినిమా పోస్టర్ తాజాగా విడుదలైంది. యాక్షన్ థ్రిల్లర్ నేపథ్యంలో రూపొందుతోన్న ఈ సినిమాలో అమలా పాల్ కీలక పాత్రను పోషిస్తోంది.

అంతర్జాతీయ మహిళా దినోత్సవం సందర్భంగా ఈ సినిమా నుంచి ఫస్టులుక్ పోస్టర్‌ను రిలీజ్ చేశారు. దట్టమైన అడవుల్లో తప్పిపోయిన ఓ మహిళ తనకు ఎదురైన పరిస్థితులను ఎలా అధిగమించిందనే కాన్సెప్ట్‌తో ఈ సినిమా తెరకెక్కుతోంది. ఈ పోస్టర్‌ను హీరోయిన్ కాజల్ అగర్వాల్ ట్విట్టర్లో పోస్టు చేయగా.. అందుకు అమలాపాల్ థ్యాంక్స్ చెపుతూ ట్వీట్ చేసింది.