హీరోయిన్ కారుపై మూత్ర విసర్జన.. కేసు పెట్టిన మోనల్.. ఎక్కడ?

దేశ వ్యాప్తంగా స్వచ్ఛ భారత్‌ మిషన్‌కు సంబంధించి ప్రచారం జరుగుతుంటే.. ఓ హీరోయిన్ కారుపై ఓ వ్యక్తి పాడు పనిచేశాడు. ఇంతకీ ఏం చేశాడంటే.. ఓ షాపింగ్ మాల్ వద్ద నిల్చున్న కారుపై ఓ వ్యక్తి మూత్ర విసర్జన చేశాడు

దేశ వ్యాప్తంగా స్వచ్ఛ భారత్‌ మిషన్‌కు సంబంధించి ప్రచారం జరుగుతుంటే.. ఓ హీరోయిన్ కారుపై ఓ వ్యక్తి పాడు పనిచేశాడు. ఇంతకీ ఏం చేశాడంటే.. ఓ షాపింగ్ మాల్ వద్ద నిల్చున్న కారుపై ఓ వ్యక్తి మూత్ర విసర్జన చేశాడు. ఈ ఘటనపై హీరోయిన్ మోనల్ గజ్జర్ పోలీసులకు ఫిర్యాదు చేసింది. ఈ ఘటనపై కేసు నమోదు చేసుకున్న పోలీసులు దర్యాప్తు చేస్తున్నారు. 

వివరాల్లోకి వెళితే.. గుజరాత్‌కు చెందిన మోనల్ గజ్జల్ టాలీవుడ్ సినిమాలైన వెన్నెల వన్ బై టూ, సుడిగాడు, బ్రదరాఫ్ బొమ్మాళీ వంటి సినిమాల్లో నటించింది. ఈమె తన ఫ్రెండ్స్‌తో కలిసి అహ్మదాబాద్ అంబావాడీ ప్రాంతంలో ఉన్న ఓ షాపింగ్ మాల్‌కు వెళ్లంది. మాల్ ఎదుట ఉన్న ప్రదేశంలో కారును పార్క్ చేసింది. కానీ షాపింగ్ పూర్తి చేసుకుని తిరిగి వచ్చి చూసేసరికి షాక్ అయ్యింది. 

ఓ వ్యక్తి తన కారు టైరుపై మూత్ర విసర్జన చేస్తుండటాన్ని గమనించింది. వెంటనే కంగారుపడిన మోనల్.. అతడిని వారించే ప్రయత్నం చేసినా.. సదరు వ్యక్తి పని పూర్తి చేశాడు. దీంతో మోనల్ పోలీసులకు ఫిర్యాదు చేసింది. మాల్ ఎదురుగా ఉన్న ప్రాంతంలో ఓ దుకాణాన్ని నిర్వహించే సదరు వ్యక్తే ఈ పని చేశాడని పోలీసులు అంటున్నారు. అతని పేరు కామలేష్ పటేల్ అని పోలీసులు చెప్తున్నారు.