''యాక్షన్'' సినిమా ద్వారా తమన్నా, విశాల్ మరోసారి జతకట్టనున్నారు. హీరో విశాల్ హీరోగా ట్రైడెంట్‌ ఆర్ట్స్‌ పతాకంపై సుందర్‌ సి. దర్శకత్వంలో ఆర్‌.రవీంద్రన్‌ నిర్మిస్తున్న స్టైలిష్‌ యాక్షన్ ఎంటర్టైనర్గా 'యాక్షన్' తెరకెక్కుతోంది. ఈ చిత్రం టీజర్‌ను శుక్రవారం విడుదల చేశారు.
ఈ దీపావళికి ఔట్‌ అండ్‌ ఔట్‌ యాక్షన్ ఎంటర్టైనర్గా రూపొందుతున్న 'యాక్షన్' చిత్రంతో ప్రేక్షకుల ముందుకు వస్తున్నారు మాస్‌ హీరో విశాల్. ఈ టీజర్‌లో ఆడియన్స్‌ని థ్రిల్‌ చేస్తున్న యాక్షన్ సీక్వెన్స్‌లను టర్కీలో 3 నెలలపాటు శ్రమించి చిత్రీకరించారు.
ఒళ్ళు గగుర్పొడిచే ఫైట్‌ సీక్వెన్సులు ఈ టీజర్‌లో కనిపిస్తాయి. టర్కీలోని అందమైన లొకేషన్స్‌లో అంతే అందంగా ప్రతి షాట్‌ను చిత్రీకరించారు. ఈ సినిమాకి సినిమాటోగ్రఫీ ఓ ప్రత్యేక ఆకర్షణగా చెప్పొచ్చు. ఈ సినిమాలో తమన్నా అందాలను బాగా ఆరబోసింది. బికినీలో కనిపించింది. ఈ ఫోటోలు ప్రస్తుతం నెట్టింట వైరల్ అవుతున్నాయి.