దివంగత మాజీ రాష్ట్రపతి అబ్దుల్ కలాంతో ఉన్న తన చిన్ననాటి ఫోటోను సినీనటి సురభి పోస్టు చేసింది. ప్రస్తుతం ఈ ఫోటో నెట్టింట వైరల్ అవుతోంది. అందం, అభినయంతో తెలుగు చిత్రపరిశ్రమలో తనకంటూ ప్రత్యేక గుర్తింపు తెచ్చుకుంది సురభి. నార్త్ ఇండియన్ అయినా దక్షిణాది చిత్రపరిశ్రమలో ఎన్నో సూపర్ హిట్ చిత్రాల్లో నటించింది. అందం ఏంత ఉన్నా.. అదృష్టం మాత్రం లేదు.
వరుస సూపర్ హిట్ చిత్రాల్లో నటించినా.. ఈ ముద్దుగుమ్మకు మాత్రం అవకాశాలు రావడం లేదు. వెండితెరకు దూరంగా ఉన్నా సోషల్ మీడియాలో మాత్రం ఫుల్ యాక్టివ్. ఎప్పటికప్పుడు ఫోటోస్ షేర్ చేస్తూ ఫాలోవర్లతో ముచ్చటిస్తుంది.
బీరువా చిత్రంతో తెలుగు ప్రేక్షకుల ముందుకు వచ్చిన సురభి, ఎక్స్ ప్రెస్ రాజా, ఎటాక్, జెంటిల్మెన్, ఒక్క క్షణం, శశి వంటి చిత్రాల్లో నటించి మెప్పించింది.
తాజాగా ఈ అమ్మడు సోషల్ మీడియాలో షేర్ చేసిన ఫోటోస్ తెగ వైరల్ అవుతున్నాయి. ఈ ఫోటోల్లో దివంగత మాజీ రాష్ట్రపతి అబ్ధుల్ కలాంతో ఆమె తీసుకున్న ఫోటోకు భారీగా షేర్లు వెల్లువెత్తుతున్నాయి.